Geen stappe oor ‘rassistiese’ graffiti

Foto: Twitter

Foto: Twitter

Die bestuur van Wits het Maandag gesê graffiti teen kampusgeboue waarin wit mense gevloek word, is “vryheid van uitdrukking” en daarom sal daar nie verdere stappe gedoen word nie.

Volgens die verklaring is die bestuur van die Universiteit van die Witwatersrand (Wits) bewus van die graffiti teen verskeie geboue op die kampus en dit is intussen verwyder.

Die graffiti met die woorde “F*** White People” is glo deur ʼn groep aangebring wat ʼn persoon ondersteun wat Woensdag voor die Menseregtekommissie (MRK) sal verskyn nadat hy ʼn T-hemp gedra het met woorde agterop wat wit mense vloek. Dit is nie duidelik wie die klag by die MRK aanhangig gemaak het nie.

“As die senior uitvoerende span van Wits veroordeel ons die aanstootlike boodskappe ten sterkste en die aanstoot wat dit lede van ons gemeenskap kan gee. Ons het oor die saak beraadslaag en hoewel ons nie met die optrede van die groep studente saamstem nie, is ons wetlik ingelig dat die stellings nie ʼn oortreding van ons land se Grondwet is nie, aangesien vryheid van uitdrukking toegelaat word solank dit nie aanhitsing is om leed te veroorsaak nie,” lui die verklaring.

Foto: Facebook

Foto: Facebook

“Die universiteit keur nie die optrede van hierdie studente goed nie … en ons moedig hulle ten sterkste aan om hierdie aanstootlike en kwetsende optrede te staak.”

Die bestuur het ook reageer op ʼn stelling wat deur die groep gemaak is dat swart mense nie rassiste kan wees nie, deur te sê daar is ʼn “ernstige metodologiese en intellektuele probleem” met die siening. “Dit is ons siening dat dit inderdaad moontlik is vir mense om op ʼn ras-aanstootlike manier teenoor wit mense op te tree,” het hulle gesê.

Die verklaring lui voorts dat die gedrag van die groep studente nie met veiligheidsmaatreëls beheer kan word nie, maar dat “maatskaplike konvensie” nodig is om die kwessie te bespreek. “Ons moet bo goedkoop politiekery uitstyg en eerder hierdie geleentheid gebruik om betekenisvolle transformasie in die hoëronderwyssektor en samelewing teweeg te bring.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

127 Kommentare

jongste oudste gewildste
Maddy

Dis lek. Laat dit nou andersom is. Dan is di harry los. Hoe werk dit?

Kathy

O nou is dit vryheid van spraak. Siestog Gareth Cliff dat jy deur sulke hel gesit is. Ek is keelvol vir hierdie tweegesig land. Mense word wakker. Swart op wit is nie rassisties maar wanneer dit omgedraai is brand die herrie los. As die skoen pas… trek hom maar aan.

carien

Ek persoonlik gee gladnie om wat daardie person met daardie t- hemp aan van my se of dink nie.

Liza

Rassisme sal nooit ooit ophou nie….. nie hier nie, nerens nie…. nooit ooit nie…. dit is deel van mens wees, wit en swart en bruin en pers…

Pappa Beer

REGTIG?!? Maar twee wit meisies by n ander instansieword GESKORS omdat hulle gesigte PERS geverf was vir n partytjie?!? Hoe kan sulke blatante rassisme toegelaat word, daar word nie eers n poging aangewend om dit te versteek nie. Hoekom word daardie student met daardie aantootlike t-hemp nie aangekla vir haatspraak of rassisme nie?