Geen strenger inperking vir nou

Dr. Joe Phaahla, minister van gesondheid. (Foto: Facebook/Departement van Gesondheid)

Dit lyk of strenger inperkings Suid-Afrika nie in dié stadium in die gesig staar nie.

Die minister van gesondheid, dr. Joe Phaahla, het Donderdag in ʼn verklaring gevra vir verantwoordelike gedrag en strenger voldoening aan maatreëls oor die feestyd om die verspreiding van die virus te help stuit.

Dít terwyl die “nasionale koronavirusbevelsraad inperkingsmaatreëls op aangepaste vlak 1 hou”, lui die departement se verklaring.

Volgens die departement het die bevelsraad beraadslaag oor die aanbevelings wat hy gedoen het.

“Die raad het die departement beveel om die stygende getal Covid-19-infeksies, hospitaalopnames, sterftes en die herstelkoers wat hoofsaaklik deur die Omikron-variant veroorsaak word en bydra tot die vierde vlaag in die land, fyn dop te hou.”

Volgens studies versprei die virus nou vinniger as tydens vorige vlae, maar die koers waarteen mense in hospitale opgeneem word of sterf, is steeds betreklik laag.

“Ons doen ʼn beroep op reisigers, veral diegene wat nie ingeënt is nie of net gedeeltelik ingeënt is en uit gebiede kom wat tot brandpunte verklaar is, om ingeënt te word voor hulle vertrek,” sê Phaahla.

Die minister sê superverspreiderbyeenkomste, onder meer partytjies en troues, hou ʼn groot gevaar in dat die virus versprei kan word.

Deur ingeënt te word en alle veiligheidsmaatreëls na te kom, gaan nie net die verspreiding van die virus bekamp word nie, dit gaan ook druk verminder op gesondheidsorgwerkers.

Phaahla sê die departement sal die situasie fyn dophou en aanbevelings wat in die beste belang van mense se lewe en inkomste is, aan die bevelsraad doen.

Die departement werk intussen saam met provinsies om te verseker inentingsentrums is steeds ten volle in werking. Dit sluit in tydelike sentrums by plekke soos winkelsentrums, by padblokkades of sportterreine.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
Jr

Dankie baas

Robert

In teendeel, die hele inperking kan afgeskaf word.

Pieter

Wonder wat sê al die depro mense nou. Lippe teen die klippe.

Hennie

Die virus moet nou juis loop soos stroop! Die swaap weet niks… Fire hom!

JohanR

Moet ons nou dankie se, en vir ewig dankbaar wees?