Geen verdagte vas vir moord op PE-onnie

Jayde en haar man Christopher. Foto: Facebook

Jayde en haar man Christopher. Foto: Facebook

Niemand is nog in hegtenis geneem vir die moord op Jayde Panayiotou (28), die onderwyseres van Port Elizabeth wat verlede Dinsdagoggend verdwyn het, nie.

Kapt. Sandra Janse van Rensburg, polisiewoordvoerder, het Dinsdag in ʼn verklaring gesê speurders werk een stryk deur om alle inligting en leidrade in die saak op te volg.

“Persone van belang is reeds ondervra sedert die slagoffer ontvoer is, maar dit is normale prosedure tydens ʼn ondersoek en sal so voortduur totdat die oortreders wat by haar ontvoering en moord betrokke was, in hegtenis geneem word,” het Janse van Rensburg gesê.

Sy het gesê die ondersoek duur voort en dat geen verdagte sover in hegtenis geneem is, of positief tot die misdaad verbind kan word nie.

Die polisie het Sondag ʼn identikit uitgereik van ʼn man wat moontlik verbind kan word met Panayiotou se moord.

Janse van Rensburg het aan Maroela Media gesê die tekening is saamgestel uit beeldmateriaal wat hulle van veiligheidskameras bekom het.

Panayiotou se liggaam is omstreeks 10:00 Woensdagoggend in ʼn “afgeleë gebied” naby die Kwanobuhle-township buite Uitenhage gevind, nadat sy vermoedelik verlede Dinsdag buite die Stellen Glen-veiligheidskompleks in Kabega Park ontvoer is. Sy het gestaan en wag vir haar vriendin saam met wie sy werk toe sou ry, maar het verdwyn voordat haar vriendin opgedaag het.

Panayiotou was ʼn onderwyser by die Riebeek College Girls’ High School in Uitenhage.

Enigiemand wat die verdagte op die idenitkit herken of meer inligting oor die saak het, kan ao. Anel van Eyk by 041 397 6857 of SAPS Crime Stop by 08600 10111 bel.

Klik hier vir alle vorige berigte oor die saak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

2 Kommentare

jongste oudste gewildste
jakes

2Punte van kommer: GEEN beloning dalk omdat sy blank is? En nog geen artikel raakgelees haar man rep ‘n woord?

OMW

Port Elizabeth – “Jayde is not gone; she is everywhere. Jayde resides in the wind like an elemental force. She can be experienced in the blooming of flowers; she is the yellow in daffodils of her favourite flower. She is the crest in every breaking wave, she is the fertile soil; she is the enduring embers of the fire.” These were the moving words of Jayde Panayiotou’s husband, Christopher, during his speech at her funeral at the Mater Dei Catholic Church in Cape Road, Port Elizabeth on Monday. “To my bride, my wife, my best friend and love of my… Lees meer »