Geheimsinnige buitelug-advertensieborde dryf spot met ANC

Die advertensieborde

Die advertensieborde

Drie groot advertensieborde, wat die gek skeer met die ANC en die e-tolstelsel, is vandeesweek deur ʼn anonieme persoon of instansie langs Johannesburgse snelweë opgerig, het The New Age Vrydag berig.

Op die advertensieborde staan daar in wit op swart: “E-tolls. Proudly brought to you by the ANC”.

Die permanente strukture waaraan die advertensies opgerig is, behoort aan die buitemuurse advertensiemaatskappy, vanTill Outdoor. Die agentskap het geweier om te sê wie vir die advertensies betaal het en voer aan hulle het ‘n vertroulikheidsooreenkoms onderteken.

Die advertensieborde is langs die N3- en N1-snelweg opgerig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

13 Kommentare

Sarie van Niekerk ·

Wel die ANC se Sanral het elke dag yslike groot advertensies oor e-tol in die koerante so hoekom kan iemand nie maar ‘n reuse advertensie langs die paaie aanbring nie. Wag en kyk teen more gaan die ANC wie dit ookal gedoen het hof toe sleep en dwing om die advertensies te verwyder. Hoera vir die mense wat dit aangebring het, moet nie dat die spul ANC julle intimideer nie

JB ·

Wens ek het die tipe geld gehad, dan het ek nog meer sulke borde opgerig!!!! Baie skerp!

Judy Smit ·

Het gisteroggend ook gesien, net voor jy by Boksburg kom, het dit vreeslik geniet! LOL

Ria Gertenbach ·

Wel gadaan 10 uit 10 vir julle. dit is puik.!!!!!!!!!

Paul Greyling ·

Sanral dink ons is dom. Al die advertensies kos geld en hulle mors die geld op advertensies in plaas daarvan om ons paaie te herstel. Indien die geld wat op advertensies gebruik word aangewend was vir die herstel van paaie, sou ons seker al met oordentlike hoofwee regdeur die land gesit het en minder ongelukke gehad het wat veroorsaak is agv die swak paaie. Ek wonder soms of daar nie kan gepoog word om hulle finansieel verantwoordelik kan hou vir al die sterfgevalle agv swak paaie nie, veral waar hulle vir die onderhoud daarvan verantwoordelik is nie. E-tol is sekerlik ingebring om hulle advertensiekostes en salarisse te dek, nie vir die herstel van paaie nie.

Vas Vat ·

Wat n goeie manier om die naweek te begin. “Mooi” gee hulle, hulle eie medisyne – BRAVO.

Griet ·

Kan ons asseblief een op die N1 in Pretoria ook kry en nog een op die R21 na die Lughawe? :-)

Danie Malan ·

Mooi man. Gelukwense aan die ouens wat die geld gehad het om dit te doen. Briljant! Maar die “demokratiese” party verantwoordelik vir e-tol gaan waarskynlik nou miljoene spandeer om nog iemand se mond te snoer.

Erich Goosen ·

Hier word nie die spot gedryf met die ANC nie – net ‘n feit word gekonstateer.

Chris ·

Mooi man.Kry nou net die ekwivalente “bumper stickers” op die rak voor die hofuitspraak om die borde te verwyder.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.