Geldwa met maatskaplike toelaes beroof

Foto: Verskaf

Die polisie in Ritavi buite Tzaneen in Limpopo het ʼn grootskaalse soektog van stapel gestuur na ʼn groep gewapende verdagtes wat ʼn transitovoertuig beroof het.

Lt.kol. Moatshe Ngoepe, woordvoerder van die polisie, het gesê die groep verdagtes het Vrydag omstreeks 06:00 tussen Khujwana en Lephepane op die voertuig toegeslaan.

Volgens Ngoepe was die voertuig op pad na ʼn betaalpunt vir maatskaplike toelaes in Lephepane. “Die verdagtes het op die voertuig losgebrand voor hulle dit met plofstof oopgeblaas het. Hulle het met ʼn onbekende bedrag kontant gevlug.”

Foto: Verskaf

Ngoepe het gesê die verdagtes het ook gevlug met twee vuurwapens wat hulle van die voertuig se veiligheidsbeamptes geroof het. “Hulle het met twee BMW’s, een wit en een swart, van die toneel gevlug in die rigting van Hoedspruit.”

Volgens Ngoepe is niemand tydens die voorval beseer nie. Niemand is nog in hegtenis geneem nie.

Enigiemand met inligting oor die verdagtes word versoek om kapt. Richard Boshomane by 079 894 5501 of Stop Misdaad by 0860 010 111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

13 Kommentare

Ella ·

Maklike teiken, inligting en hulp van binne? Niemand is beseer terwyl plofstof gebruik is? Klim almal eers uit en gaan staan in die veld voor die ontploffing? Klink nie reg nie.

Antoinette Burger ·

This happens at almost a daily basis. I fail to understand why these vehicles are not accompanied by police or army vehicles. The criminals must get the info regarding the routes somewhere. Inside information?

Ekke ·

Hehe…. daar word op die voertuig losgebrand…. wat beteken daar was verskeie skote gevuur….dan word plofstof gebruik…. en nie ‘n enkele besering nie… makes you think !!

Mike Kaapstad ·

ai die manne doen gevaarlike werk , of hulle kan goed (organize)…………

Chris Ws ·

Watter tyd,watter roete en watse voertuig.Als binne inligting.Kom SAP lees julle Maroela Media? Nou toe kry lewe!

zoom zoom ·

Leen geld by landbank want hulle het R900 miljoen gekry by duitse bank. Wanneer sassa eers deur die poskantoor betaal gaan worf gaan poskantore geteiken word.

Ian ·

Wonder of die CIT Forum nog bestaan. Ons het n daadwerklike verskil gemaak in CIT rowe in 2005 tot 2007.

bgj van der westhuizen ·

die vraag moet gevra word waar kry hulle die plofstof wand so ver ek weet is dit nie te koop oor die toon bank nie en daar moet rekord gehou word op dit wie koop en herverkoop aan hulle sapd dit is tyd dat julle die boeke op plofstof meer gereeld na gaan lyk vir my daar is geen control oor dit nie

Spokie ·

“You are as good as your leader” . Ons president stel die voorbeeld.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.