Geliefde Afrikaanse skrywer pleeg glo selfmoord

Karel Schoeman (Foto: kykNET)

Die Afrikaanse skrywer van Bloemfontein, Karel Schoeman (77), is Dinsdag in die Noorderbloem-aftreeoord oorlede ná hy glo selfmoord gepleeg het.

Schoeman se prokureur, Carl van Rensburg, het die nuus aan Maroela Media bevestig.

Van Rensburg sê hy het glo ʼn tyd gelede ʼn verklaring van Schoeman ontvang waarin hy vertroulik bekendgemaak het hy wil selfmoord pleeg.

Volgens hom het Schoeman die moontlikheid van “verhongering” oorweeg, maar “ʼn sin in die verklaring blyk dat hy ʼn ander uitweg gevind het”.

“Meer besonderhede kan in dié stadium nie bekend gemaak word nie, maar dit blyk selfmoord te wees. Schoeman se wens was dat die verklaring ná sy dood uitgereik word,” sê Van Rensburg.

Schoeman woon al sedert 2008 in dié aftreeoord. Hy het 19 romans geskryf, waaronder Na die geliefde land, Die uur van die engel en Verliesfontein.

Volgens Van Rensburg het hy geen familie nie.

Lees ook: Afrikaanse skrywer sê hoekom hy selfmoord pleeg

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Elbie Stewart

‘n Groot, tragiese verlies.

Estie

So baie jammer om te hoor van sy afsterwe. Hy was een van my mees geliefde skrywers. Rus in ewige vrede Karel Schoeman.

Erika

Sjoe..dis hartseer..

Gerhard de V

Daar was min soos Schoeman en daar sal in die toekoms nog minder sulkes wees in hierdié land. Afrikaners, wat trots is oor hul herkoms, is wyle Karel baie verskuldig.

Niel

ai, jammer om te hoor van sy besluit tot daardie stap. op so ‘n ouderdom sonder enige familie kan ‘n mens dalk in ‘n mate dalk verstaan? Sal moet soek tussen al my baie boeke of ek iewers ‘n boek het van hom. Het so 800 boeke wat ek reeds gelees het, en toe so ‘n paar maande gelede so nog 400 boeke gekry wat my sus gekry het by iemand.