Gelukwense vir Mantashe ná tweede meestersgraad

Gwede Mantashe, minister van minerale hulpbronne en energie, tydens die aanlyngradeplegtigheid. (Foto: Twitter)

Daar was die naweek talle boodskappe van gelukwense vir Gwede Mantashe, minister van minerale hulpbronne en energie, nadat hy sy tweede meestersgraad verwerf het.

Mantashe het ʼn meestersgraad in sakeadministrasie (MBA) van Mancosa verwerf.

Die graad is Saterdag tydens ʼn aanlyn seremonie aan Mantashe toegeken.

Sahlulele Luzipo, voorsitter van die parlementêre portefeuljekomitee oor minerale hulpbronne, het die minister namens die komitee gelukgewens en gesê dit moet as aansporing vir staatsamptenare en jongmense dien.

“Mnr. Mantashe het die ou Xhosa-spreekwoord, imfundo ayikhulelwa – wat beteken ‘jy is nooit te oud om te leer nie’ – in praktyk uitgeleef.”

Ook die ANC het sy nasionale voorsitter met die prestasie gelukgewens.

Dit is Mantashe se tweede meestersgraad. Hy het in 2008 ook ʼn lettere en wysbegeerte aan die Universiteit van die Witwatersrand verwerf.

Die minister het nou reeds vier tersiêre kwalifikasies verwerf.

“Om te studeer vir ʼn MBA verg baie dissipline, harde werk en ʼn vermoë om by spertye te hou. Wanneer jy egter jou MBA verwerf, vergeet jy hoe lank die reis was,” het Mantashe tydens die aanlyn gradeplegtigheid gesê.

“Dit verg durf en is ʼn belangrike kwalifikasie. Ek moedig jong mense aan om te studeer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Nie Verbaas

Last ons maar almal wonder oor die graad.

SjN

Geluk, knap gedaan, kry sommer ook ruggraat en ruk die onbevoegdheid reg.

Vonkprop

Hoe het hy geleer gekry met al hierdie loadshedding? O ja ministers kry mos nie loadshedding nie, net ons gewone werkende belasting betalende mense.

Bertie

Kennis bring nie wysheid en verander nie gedrag nie. Ons sien dit veral by die mense van Afrika. Geen “koloniale” kennis het by hulle al tot wysheid gelei nie en hulle gedrag het die afgelope duidende jare nog nie verander nie.

Linx

Ek wonder of die ministers ook so sukkel met betaling van studies soos d gewone tax payer