Gemeenskap verwoes glo multimiljoenrand brandweerwa

Die brandweerwa wat verwoes is. Foto: Stad Ekurhuleni

Die brandweerwa wat verwoes is. Foto: Stad Ekurhuleni

ʼn Brandweerwa ter waarde van miljoene rande is vroeg Sondagoggend aan die brand gesteek as deel van beweerde boendoe-geweld in die Katlehong-nedersetting in Ekurhuleni aan die Oosrand.

Die Stad Ekurhuleni het in ʼn verklaring gesê lede van sy ramp- en noodbestuurdienste is na die Moleleki-gedeelte van die nedersetting ontbied, waar ʼn plakkershut aan die brand was. Met hul aankoms op die toneel is brandbestryders deur inwoners gekonfronteer, wat hulle met klippe bestook het. “Die bemanning moes noodgedwonge die voertuig agterlaat en vir hul lewens vlug,” het die verklaring gesê.

Een van die inwoners het agter die stuurwiel van die brandweerwa ingeskuif en ʼn ent verder stilgehou waar dit aan die brand gesteek is. “Die brandweerwa, met al die reddings- en brandbestrydingstoerusting, was meer as R4.5 miljoen werd. Dit is heeltemal vernietig, niks kon gered word nie,” lui die verklaring.

Volgens ooggetuies het die eienaar van die brandende plakkershut sy buurman Saterdagaand na bewering met ʼn mes doodgesteek. Die gemeenskap het wraak geneem deur sy plakkershut aan die brand te steek.

“Die man se vrou en kinders kon ongedeerd uit die brandende hut ontsnap, maar die man het kritieke beserings opgedoen nadat lede van die publiek hom erg aangerand het. Hy is deur ʼn provinsiale ambulans na ʼn hospitaal gehaas.”

Die polisie ondersoek die voorval. Niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
Renée

Barbaarse gedrag

Joe Olivier

Dis n maklike besluit volgende keer as daar n brand in die plakkerskamp is, laat die gemeenskap dit blus.

Melissa

Boendoe geweld? Wat is dit?? Nuwe benaming vir xenofobie?

Lh

Wonder wat dink hulle of hoe redeneer hulle sal dit help as hulle sulke goed afbrand.

Georgie

Maggies hoekom so duur wa die townships instuur?!

Hierdie onbeskaafde gedrag raak nou een te veel…hoeveel kan die beskaafde, opgevoede, wetsgehoorsame, vredeliewende landsburger nog verduur?!?!