Gemeenskap wil verkiesing boikot oor watermeters

Argieffoto: Pixabay

Hornlee United, ʼn gemeenskapsorganisasie in Knysna, dreig om die Mei-verkiesing te boikot in opstand teen die installering van watermeters deur die plaaslike munisipaliteit.

Avril Terblanche, sekretaris van die organisasie, sê in ʼn verklaring die raad se besluit om die watermeters te installeer is “rassisties” en slegs op gemeenskappe van kleur gemik. Terblanche het ʼn beroep op alle inwoners van Hornlee gedoen om nie vir enige van die partye te stem nie wat ten gunste van die besluit gestem het om voorafbetaalde watermeters in “slegs nie-wit gebiede” te installeer.

Sy sê dié partye sluit in die DA, die ANC en Cope.

“Ons moet dit baie duidelik maak dat Hornlee United ʼn gemeenskapsorganisasie is. Ons enigste belang is die welvaart van ons gemeenskap en ons soek ons grond terug wat tydens apartheid by ons gevat is.”

Die gemeenskap van Hornlee is al geruime tyd boos oor dié watermeters wat hulle meen op hulle afgedwing word. Die Knysna-munisipaliteit sê egter die gemeenskap se ontevredenheid is gegrond op inligting wat nie feitelik korrek is nie.

Chumisa Kalawe, woordvoerder van die munisipaliteit, beweer die meerderheid van inwoners het die installering van die voorafbetaalde watermeters verwelkom en die installering vorder goed. Ongeveer 283 watermeters is tot op hede geïnstalleer.

“Die ontevrede inwoners in Knysna ontvang nog steeds ses kiloliter water gratis elke maand en die gewone huishoudings ontvang drie kiloliter. Ons verseker julle dat julle nie jul gratis maandelikse water sal verloor nie,” het Kalawe gesê.

Volgens die woordvoerder is daar menigte voordele aan voorafbetaalde meters, insluitend geen meterlesingskattings nie, geen verrassings as die rekening kom nie, beter beheer oor verbruik en die bevordering van verantwoordelike hulpbrongebruik.

“Hoewel die projek gemik is op hulpbehoewende huishoudings en huishoudings wat nie tans watermeters het nie, kan enige huishouding aansoek doen om die meter te laat installeer indien die inwoners verkies om oor te skakel. Ons het reeds versoeke van inwoners in ander wyke gehad om dié meters by hul eiendomme te laat installeer. Tot dusver het die projek positiewe reaksie uit ander gebiede gekry.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Johan

As watermeters rassisties is, waarom het ek dan so ‘n watermeter???

ZAR

Is die watermeter wit?

Swerwer

Water verniet, elektrisiteit verniet, HOPhuis verniet, onderwys verniet, medies verniet, SASSA veniet, so hoekom werk?

Hb

Dis omdat di meters werk

marous

Ek het al vir 40 jaar ‘n watermeter en betaal vir elke liter . Hy is wit en ek stem saam , ek is ‘n slagoffer van rassisme