Gemengde reaksie op dagga-uitspraak

Die gebou van die Nasionale Vergadering op die perseel van die parlement in Kaapstad. Foto: www.parliament.gov.za

Die konstitusionele hof se uitspraak dat ʼn persoon in die privaatheid van sy of haar huis dagga mag kweek, besit en gebruik is met gemengde reaksie ontvang.

Die parlement het in ʼn verklaring gesê hy neem kennis van die uitspraak en die 24 maande tydperk waarbinne daar van die nasionale wetgewer verwag word om grondwetlike gebreke in die Wet op Dwelms en Dwelmhandel en die Wet op die Beheer van Medisyne en Verwante Stowwe reg te stel.

“Dit kan behels dat die parlement ʼn nuwe wetsontwerp indien. Alternatiewelik kan die uitvoerende gesag, wat ʼn party was by die litigasie, ʼn nuwe wetsontwerp indien om die hofbevel te bewerkstellig,” het die parlement gesê.

“Die parlement is in besit van die uitspraak en die relevante strukture in die parlement sal ʼn besluit neem oor hoe om gevolg aan die uitspraak te gee. Die publiek sal die geleentheid hê om voorleggings te doen tydens die proses, soos wat deur die Grondwet vereis word.”

Verskeie organisasies het intussen uiteenlopend op die uitspraak gereageer. Die Sinvolle-krisissentrum het gesê hy is platgeslaan deur die uitspraak. Colleen Strauss, uitvoerende hoof van die sentrum, het gesê dit is ʼn feit dat die gebruik van een dwelm lei tot die gebruik van ʼn ernstiger dwelm.

Volgens Strauss word ander dwelms ook soms by dagga ingemeng. “Wat gaan nou gebeur? Mag ouers dagga rook in hul huise in die teenwoordigheid van hul minderjarige kinders?”

Julius Malema, leier van die EFF, het ook op die hofuitspraak gereageer deur te sê “wit monopolie kapitaal” is swart mense se gemeenskaplike vyand. “Ons soek die grond en sy dagga,” het hy gesê.

Eerw. Kenneth Meshoe

Die ACDP het die parlement intussen versoek om ʼn dringende debat te hou na aanleiding van die hofuitspraak. “Die ACDP en die meerderheid Suid-Afrikaners wil nie hê dagga moet gedekriminaliseer word nie weens die hoeveelheid jong mense wat aan dwelms verslaaf is,” het eerwaarde Kenneth Meshoe, leier van die ACDP, gesê.

“Daar is dokters wat sê dit [dagga] tas mense se verstandelike vermoëns aan. Die gevare van dwelms soos Nyaope, waarvan dagga die hoofbestanddeel is, het huise vernietig. Ons het oor die jare stories gehoor van kinders wat al hul ouers se besittings gesteel het om hul verslawing vol te hou.”

ALCO-Safe, ʼn groep maatskappye waarvan die ondernemings gerig is op verskeie aspekte van dwelmtoetsing en ander forensiese toetsing, het gesê regulasies en grense moet ingestel word voordat dagga gewettig kan word.

Volgens die organisasie is daar steeds vrae en kwessies om byvoorbeeld gebruikers en nie-gebruikers se veiligheid op die pad te verseker.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
Koos de Meyer.

Nog ‘n verval van ons land, waar gaan ons sedes heen. Hulle kan mos nou maar moord pleeg en met die verskoning dat hy dagga ge rook het en nie geweet wat hy doen nie. Siek verby.

Paul

Paul Kruger het gesê, “Neem uit die verlede alles wat goed en edel is, en bou daarop die toekoms”.

Die ANC regering sê, “Breek uit die verlede alles wat goed en edel is af, en bou daarop die toekoms”.

Ons het ‘n Geknelde land, ‘n Offerland, ‘n Gelofteland en Bedoelde land in ‘n Dagga land verander.

Dan sien ek in berigte elders hulle sê die weg is nou oopgemaak vir ‘n mulitmiljoendollar industrie.

Anoniem

Sodom en gamora hierdie land

BlaarMan

Dit het niks met sedes uit te maak nie. Daar is niks inherent sedeloos aan dagga gebruik nie. Grootmense kan vir hulleself besluit wat hulle met hulle liggame en lewens wil maak. As iemand wat self konserwatief is, vind ek dit erg aanmatigend wanneer ander mense hulle lewensuitkyk op my wil afdwing – HULLE siening wat reg en verkeerd is. Meneer en Mevrou, jy het geen reg om jouself god oor my te hou nie, baie dankie. En laastens, diegene wat met die “maar die kinders” argumente na vore kom. Wil julle nou alles wat moontlik skadelik vir kinders is… Lees meer »

IK

Ai ou Juljas, sleep jy wéér die wittes in met jou dagga-storie. Tipies van jou.