Genadedood-saak: Wie was Richard Holland?

Richard Holland is in November 2015 in Kaapstad dood nadat hy vir amper drie jaar “ondraaglike pyn” beleef het nadat hy op sy fiets deur ʼn motor raakgery is.

Dit het Maandag in die landdroshof in Kaapstad aan die lig gekom dat prof. Sean Davison, stigter van Dignity SA, nou aangekla word van die moord op Holland nadat hy hom glo met genadedood bygestaan het. Daar is glo ʼn dodelike hoeveelheid medikasie aan Holland toegedien.

Davidson staan reeds op twee ander aanklagte van moord tereg waar hy mense glo met genadedood bygestaan het.

Richard Holland

Wie was Richard Holland?

Holland is op 11 Oktober 2012 deur ʼn motor raakgery terwyl hy op sy fiets geoefen het in Dubai in die Verenigde Arabiese Emirate. Hy is van agter af raakgery en het ernstige beserings opgedoen, waaronder talle gebreekte ribbes, beserings aan sy longe, ʼn gebreekte sternum, ʼn gebreekte regterfibula (kuitbeen) en ernstige breinbeserings.

Holland se breinbeserings het tot gevolg gehad dat hy in ʼn koma was en aan inkluissindroom (“locked-in syndrome”) gely het. Dit is ʼn toestand waarin ʼn pasiënt by sy bewussyn is, maar nie mondelings kan kommunikeer of beweeg nie weens die verlamming van byna alle willekeurige spiere in die liggaam.

Holland was vir sowat vier maande in ʼn hospitaal in Dubai en daar is besluit om hom na Suid-Afrika te bring aangesien sy toestand byna onveranderd was. Sy ouers, Judy en Colin Rothschild, het van Melbourne, Australië, na Kaapstad verhuis om na hul seun om te sien. Hy het in ʼn kamer in sy ouers se huis gewoon en voltydse sorg gehad.

Holland se ouers het op 9 November 2015 aangekondig dat hul seun die vorige dag op 32-jarige ouderdom oorlede is. “Hy het drie jaar lank braaf geveg. Ons mis hom reeds, maar ons wil die mens wat hy was, vier. Sy humor en geaardheid het hom deur drie ondraaglike en pynlike jare gekry.”

Holland het in sy vroeë 20’s ʼn kranige fietsryer geword terwyl hy aan die Rhodes Universiteit studeer het. Hy het ook hierna met driekamp begin en Suid-Afrika in 2007 by die Wêreldkampioenskap verteenwoordig.

Holland was 25 jaar oud toe hy na Dubai getrek en as bemarking-en-verkopebestuurder begin werk het.

Sean Davison. Foto: Facebook via DignitySA.

Maroela Media het vroeër berig Davison is in September verlede jaar in hegtenis geneem in verband met die genadedood van sy vriend, dr. Anrich Burger, in November 2013.

In November 2018 is ʼn tweede aanklag van moord teen hom aanhangig gemaak in verband met die dood van Justin Varian op 25 Julie 2015 in Fresnaye in Kaapstad. Volgens die staat het Davison ʼn plastieksak oor Varian se kop getrek en helium daarin ingespuit om hom te versmoor. Varian wou glo sterf.

Davison is ʼn kampvegter vir genadedood en beywer hom vir die verandering van wetgewing om verstandelik bekwame volwassenes die opsie van ʼn “waardige dood” te gee.

Hy is in 2010 in Nieu-Seeland in hegtenis geneem nadat hy sy ma, wat terminaal siek was met kanker, ook gehelp het om haar lewe te beëindig. Hy was vyf maande in huisarres in Nieu-Seeland, en het in Mei 2012 na Suid-Afrika teruggekeer.

Die saak teen Davison is tot 24 Mei uitgestel en sy borgtog is tot dan verleng.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

52 Kommentare

Db ·

Hoekom moet mens deur al die pyn en lyding gaan net omdat iemand besluit jy mag nie self oor jou lewe besluit nie? Ek is ‘n volle ondersteuner van die genadedood en hoop dat ek myself daarop kan beroep as ek in so ‘n situasie moet wees. Niemand wat ‘n mens is kan besluit of jy moet lewe nie. Dit is jou eie besluit

Spatare ·

Ek is ook volkome vir dit. ‘n Dier mag dan nie eers ly nie, hoekom moet ‘n mens.

Janine ·

Ek stem volkome saam! Hoe vreemd dat diere in hierdie spesifieke geval, meer regte as mense het! Ek sal beslis nie vir maande lê en ly met kanker of iets nie. Ek sal beslis ook nie my gesin of familie daardeur sit nie! Gun mense met terminale siektes om SELF daai besluit te maak! Maar nou verloor ‘n paar sakke weer geld…..Dis walglik!

honourable member ·

Ek is ook n voorstander van genade dood. Hoekom moet enige mens deur soveel pyn en lyding gaan en wag om dood te gaan.

MEYER ·

Ek wonder maar net. Ek het al soveel kere gehoor van families wat saam besluit neem om masjiene af te sit wat geliefdes aan die lewe hou. Nou wat is dit anders as wat die prof gedoen het.

JWC ·

As die spul maar net so konsekwent met plaas- en ander moorde wou optree… maar grond afvat sal hul “dignity” herstel… HU???

Maljan ·

Hoe weer hulle buitendien wie was betrokke? Wie behalwe die ataat het die klagte ingesien? As sit familie lede is, Dan het hulle van die begin af geweet, gehelp en toegesmeer. Aiding and abetting.

Vreeslik ·

Lees bietjie op oor Locked In Syndrome. Dis aaklig, die man kon nie praat, eet of enigsins beweeg nie. Wat vir n lewe is dit? Jy kan net daar le en als waarneem en voel boonop soos n finansiele en emosionele las. Sonder al die eksteme hulp om hom aan die lewe te hou sou hy in elk geval gesterf het.

Ells ·

Nee, totdat ons self ‘n dierbare sien ly het, met geen hoop op enige verbetering nie, durf ons nie klippe gooi nie. Beslis nie ‘n reeks moordenaar nie. Hy put mos nie genot uit wat hy doen nie ?

TN ·

Gladnie . Jy dink nie verder as wat jou ore lank is nie maar nogtans hoop ek dat jy nooit in jou eie drek sal lê , in uiterste pyn terwyl die kwyl by jou mondhoeke uitloop nie .
Ek sal solank ek ‘n sneller kan trek nie daardeur gaan nie ; elke mens het die reg om sy menswaardigheid te behou tot en met die einde .

Dink # ·

Jung het gesê: “Most people don’t think, therefore they judge.” Win kennis in voor jy mense name noem. Daar’s ‘n groot verskil tussen ‘n reeksmoordenaar en genadedood. Ai tog. Nina, dink asseblief voor jy vieslike name rondgooi.

Manie van Worcester ·

Bid dat jy nie in so n situasie beland. Intussen wees uiters dankbaar dat jy geen lyding ken, dit verander soms in n oogwink.

Pieterd ·

Ek sal nooit so ‘n besluit namens iemand anders kan neem nie, maar bid dat daar ‘n Davison is om my by te staan as ek in so toestand is.

Maggie ·

Ek verstaan die swaarkry om ñ geliefde so te sien ly en ñ mens voel soms dis beter as hulle eerder sterf,maar ek glo God het alleen die reg om ñ lewe te neem.Hy gee lewe en Hy neem lewe.Ek dink wel as ñ mens aan masjiene gekoppel is en kunsmatig aan die lewe gehou word,kan die masjiene afgeskakel word as die besluit gemaak word, want dan word ñ persoon op ñ onnatuurlike wyse aan die gang gehou.

Blommie ·

Ja ROB en # Dink,
Ek glo ek dat elke persoon daardie keuse moet kry om te kan besluit tussen lewe of dood.
Maar n sak oor iemand se kop trek is alles behalwe genade of waardige dood.
Mense wat sulke tiepe goed wil doen moet ongelukkig die nodige toestemmning kry, soos bv doodstraf. Kan nie die wette in eie hande neem en dink jy kom daarmee weg nie.
Begin eerde n veldtog met bewusmakin om die wet rondom dit met die regte beginsels te kan verander en so iemand se lewe met die nodige waardigheid en verantwoordelike manier te kan be-eindig. Wat hy gedoen het is niks as moord nie. Moes die regte stappe geneem het.

Verlos ·

Dis moeilik, wat van die effek wat dit aan die persoon doen wat die verlossing gee. Ek was ook al in n situasie waar mense om my gely het. Maar ons het almal vas gebyt. Deur dit het ons geleer hoe om simpatie te he, vedraagsaam te wees en om meegevoel te he. Op God se tyd het hy hulle kom haal. Weet nie hoe mens die hartseer sonder n verhouding met Jesus kan doen nie. Die dood het verlossing gebring maar daar is troos met die wete dat God hulle kom haal het. Groei in die lig

Keelvol ·

Ons het ook vasgebyt. Ons het die tyd gebruik om totsiens te se en sake af te handel……te laat gaan. En toe die laaste een die moeilike besluit geneem het om te aanvaar dat die dood onafwendbaar is, het ons geliefde in vrede gegaan.

is ek reg ·

Plaas hul, hul tyd eerder bestee met die plaasmoorde en al die ander moorde in SA. Ek weet wat pyn is en sal bitter graag wil sien dat genadedood wel wettig word. anders kom dai persoon op n punt wat hy selfmoord gaan pleeg en dan misluk dit en nog n erger lot le oor hom en sy familie. As jou familie kan besluit oor masjiene afsit, hoekom kan jyself nie besluit genoeg is genoeg en ek kan nie meer nie.

IE ·

Ek sal ook as ek in die situasie is liewer wil kies. Ek dink nie dit is vir enigeen lekker om te sien hoe jou familie wat na jou moet kyk begin lei onder die omstandighede nie. Party keer is dit ons as familie wat die mense net langer by ons wil hou maar ons vergeet wat dit aan die persoon doen met die leiding.

klip in die bos ·

Wat van ABORSIE. Dan moet hulle dit ook veroordeel en hulle doen dit nie!!!

Rita ·

Stem volkome met jou saam. N volwasse persoon by sy volle positiewe mag nie self besluit dat hy sy eie lewe wil laat beeindig nie, maar iemand anders mag namens n ongebore baba besluit dat sy lewe beeindig mag word! Of dink mense omdat n fetus nog nie n bewussyn het nie, mense met een mag daaroor besluit? Die wetgewing rakende aborsie en genadedood is absurd.

Alida Kleynhans ·

Nee Nina prof is nie i reeksmoordenaar nie..hoekom moet i mens ly..wat is die doel daarvan. Miskien moet jy vir my verduidelik hoekom laat i liefdevolle en genadige God dit toe..niemand kan my antwoord daarop..

GM ·

Alida, ek sukkel self met daardie vraag, veral as ek sien hoe kinders ly. Dan is daar mense wat voel ‘jy bring dit oor jouself’, maar watse sonde het ‘n kind gedoen om sulke wrede goed oor hulself te bring, soos ons so gereeld sien? En die feit dat jou voorvaders se sondes jou toegereken word- hoe wreed is dit?

‘n Familielid se dogter is aan kanker dood, en dis hartverskeurend om te sien hoe die ouers ly omdat kerkmense vir hul gesê het dis hulle skuld dat hul dogter dood is.

Daar is vir my so baie voorbeelde in die Bybel waar dinge teenstrydig is met die beeld van ‘n liefdevolle God, maar dit is ‘n onderwerp waaroor mens vir jare kan debatteer.

Ek is vir genadedood as ‘n pasiënt terminaal siek is en vir evaluasies en berading gegaan het voor hul ‘n besluit maak. Die prentjie raak vir my effens moeilik as dit by jongmense kom. Ek neem aan die ouers moes die besluit maak as die seun nie kon kommunikeer of beweeg nie.

Rohan ·

Ek is heeltemal VIR genade dood. Ek het selfs ‘n Switserland fonds waarin ek maandeliks geld inbetaal sodat ek daar in vrede kan sterf. Dit is ook so aangeteken in my testament dat my verloofde my moet oorvat indien ek op so ‘n stadium in my lewe kom dat ek ‘n las word vir mense. Ek is energiek en nog redelik jonk (29). Om vasgevang te word in my eie lyf en om soos ‘n baba opgepas te word, is my nie beskore nie. Ek was klaar baba en het groot geword en selfstandigheid gevind. Ek sal nie wil terug keer na ‘n individu waar ek niks meer vir myself kan doen nie.

Bekommerd ·

Ek stem 100% saam. Ek hoop nie ek of enige van my geliefdes sal ooit deur soveel lyding gaan nie. Mag die Here ons genadig wees en mag daar ‘n dokter wees wat ons ons ook kan verlos uit soveel lyding. Die arme families wat nou deur hierdie hofsake moet gaan terwyl hulle reeds lankal hul van hul geliefdes afskeid geneem het. Laat gaan die professor onskuldig bevind word.

Elize ·

Mense maak van alles n issue. As hy skuldig bevind word moet baie ander ook aangekla word van moord omdat hulle toestemming gegee het vir life support om afgeskakel te word.

MEYER ·

Ek het al telkemale gehoor van families wat besluit neem om masjiene af te skakel wat iemand aan die lewe hou. Nou wat is dit anders as wat die prof gedoen het?

Pro genadedood ·

JULLE MAAK DUISENDE DIERE DOOD EN MILJOENE KATTE WORD IN AUSTRALIE GEDOOD MAAR DIS ‘N PROBLEEM AS ‘N mens oneindig ly en dood wil gaan? O ek het vergeet . ABORSIE is ook wetttig .jy mag ‘n LEWENDIGE FETUS LAAT DOODGAAN maar jy mag nie iemand wat ly genadedood gee nie? LOS DIE MAN UIT .. ek sal ook genadedood verkies as ek ly en iemand kan dit vir my doen …

Wie het hom aangestel ·

Wonder wie het hierdie Davison aangestel om God te speel en mense dood te maak? Die probleem met n ou soos hierdie is dat hy subjektief is. Hoe het die oorledene te kenne gegee hy wil sterf? Of het sy ouers besluit? Subjektiwiteit is gevaarlik om so te loop en mense dood te maak, want jy het net jou eie siening. Dis beter as die man gestop word. Die wet bly die wet en hy oortree dit. Hy hoort in die tronk

Stem saam ·

Stem saam met jou. Dis nie dat die konsep v genadedood verkeerd is nie, dis die subjektiewe manier wat Davison dit doen wat verkeerd en gevaarlik is. Hy het glo ‘nander een met ‘n sak vol helium versmoor. Genade, is dit die mees menslike manier? Daar behoort ‘n paneel v kenners ‘n objektiewe mening te lug voor die genadedood toegedien word

OLGA ·

Ek sal eerder verkies om n inspuiting te kry vir genade dood en rustig weg te glip! asb net nie my versmoor met helium nie

Angel ·

Al gehoor van “A living will” dis wetig om geen masjiene aan te hou as daar bitter min hoop is.

Karlien ·

Sean is ‘n vriend van my.
Hy sou nie in hierdie situasie gewees het indien daar nie so geweldige behoefte was van mense wat hom smeek om hulle met genade dood by te staan nie
Nina watter persoonlike gewin dink jy is vir hom hierin?
Menige mediese drs laat ook mense “sterf” vir verskeie redes, dikwels onnodig. Is hulle ook reeksmoordenaars?
Sterkte prof ook aan jou gesin, julle gaan deur hel.

Dink bietjie ·

Karlien en Angel, dink bietjie. As elke dokter en prof wat genadedood voorstaan goedsmoeds willens en wetens toegelaat word om mense dood te maak op hulle eie subjektiewe manier, gaan dit handuit ruk en mense doodgaan wat dit nie wou he nie. Julle kyk die punt mis. Die idee v genadedood het baie meriete; dit moet egter behoorlik gereguleer word en volgens wet plaasvind. Sean Davison is nie die reguleerder nie, hy is subjektief en hy oortree die wet. As hy dit reg doen, het hulle niks teen hom nie. Hy moet net sy kant skoon hou.

Bekommerd ·

Die wereld is siek. Hulle veg vir die dooies in een opsig, maar babas wat d.m.v. aborsie doodgemaak word is reg omdat die wet so sê. Die wette is al net so skrewed up soos die mens en word toegepas soos ‘n regter dit interpreteer. Soms is moord toelaatbaar, soos met plaasmoorde.

@Meraai ·

Ek sal hom in my testament skryf…. ek glo sy naam sal by iemand opkom as ek om nodig het

Pro Genadedood ·

Ek het ‘n bandjie wat sê DO NOT RESUSCITATE tesame met ‘n lewende testament. So wil hulle vir my sê as my hart gaan staan of ek is bewusteloos, is enige paramedici of dokter aanspreeklik vir my dood, omdat ek VOORAF enige verdere mediese bystand of lewensondersteuning weier uit eie keuse? Ek twyfel. Die argument is dieselfde, so los die man in vrede asb.

Bekommerd ·

Ja., wat van lede van ‘n sekere godsdiens wat nie .aan die lewe gehou mag word nie of bloedoortappings mag kry nie. So in hierdie gevalle is dit korrek dat die dokters bevele mag uitoefen rn in ander gevalle nie? Los die dokter uit.

Tienie ·

Dit is teen die Woord van GOD, MAAR ek is n voorstaander DAARVOOR.

Hierdie korrupte regering behoort nie daaroor te besluit nie.

Hulle behoort EERS iets aan Plaasmoorde te doen voordat hulle n besluit neem oor genadedood……

Bekommerd ·

As jy sien wat in staatshospitale aangaan, is dit massamoord! Meeste van daai personeel moet van moord aangekla word, ook die staat wat hierdie personeel aanstel is net so skuldig! Die doelbewuste neglect is moord! Wat het van die Esidemeni moorde geword? Waar is die skuldiges? Ons wette is dubbelsinnig en slegs op sommiges van toepassing! Wat ‘n siek regering!

Dink ·

Hier is ‘n paar dinge ter sprake: 1. Dokters word opgelei om pyn en lyding re verlig. As hy niks kan doen nie, kan hy lyding verlig dmv genadedood, want hy weet wat sal werk.
2. Om ‘n lewe te neem is teen God se wil. Ekself kan nou nog sê ek sal maar deur my lyding leef, maar wat as dit so ondraaglik raak dat ek wens hierdie was my dokter? Soms kan jy net nie meer nie. En sal jy selfs jou geliefdes genadedood gun. Ek weet. Ek was al daar.
3. Daar’s ‘n groot verskil tussen reeksmoordenaars en dokters wat genadedood toepas. Lees op voor jy oordeel.
4. Wanneer life support masjiene afgesit word, is dit genadedood??? Dit gebeur daagliks!
5. Aborsie en genadedood is twee verskillende onderwerpe.
6. Die een wat genadedood toepas of die masjiene afsit moet daarmee kan saamleef. Daar’s mense wat dit kán doen. Ek weet nie of ek sal kan nie.
7. Wetlik laat dit baie kwelpunte. Sou genadedood gewettig word, kan slinkse familie dit misbruik om ‘n lekker erfporsie te kry, veral as die pasiënt nie kan kommunikeer nie.
8. Dignitas in Switserland is dalk een van die beter opsies. Gaan lees oor hulle. Dit begin en eindig by die pasiënt. Ek glo dis meer eties.

Jaco ·

Ek hoop dat Suid-Afrika gou ‘n stelsel sal kry waar enigeen wat so voel, siek of gesond, vir genadedood kan aansoek doen en so in vrede en waardigheid kan sterf. Dan hoef niemand homself op sy vrou se kombuisvloer of in ‘n mielieland dood te skiet of op ‘n treinspoor te gaan lê nie. Tot ontsteltenis van ander. Nie een van ons is op hierdie aarde uit ons eie wil nie. Hoekom moet enigeen gedwing word om hier te wees? Mense sal tou staan om die vorm (vir genadedood) in te vul.

Ekke ·

Ek sal eerste teken vir genade dood. Om elke dag van jou lewe met pyn deur te bring, verander mens se psige, dit is nie lewe nie. Het lankal die besluit geneem dat ek genade dood sal laat doen, mits die persoon nie vir moord aangekla sal word, soos in die geval van Professor Davison nie.

A Mac ·

Geen probleem met wat die prof gedoen het nie. Dit is in elk geval meer menslik as wat duisende ander moordenaars doen op mense wat nog wou lewe en vol lewens gehad het. Dis nie of hy lukraak net mense doodmaak nie. En ek is seker hy doen dit met empatie en kennis.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.