Die verwoestende brande in die George‑omgewing woed voort.
James-Brent Styan, woordvoerder vir Anton Bredell, minister van plaaslike regering, het Maandagaand gesê vier vliegtuie kon daarin slaag om met die bestryding van die George-brande te help.
“Die wind het bietjie gaan lê, maar nou word dit donker,” het hy Maandagaand bevestig. Laat Maandagmiddag is 204 inwoners uit Blanco, Golden Valley, Riverlea en Stepaside ontruim.
Intussen het die Suid-Afrikaanse weerdiens (SAWD), volgens ʼn verklaring van die Tuinroete-munisipaliteit, om 04:00 Dinsdagoggend ’n waarskuwing uitgereik vir sterk winde (50-65 km/h) wat na verwagting vandag oor die tuinroete in die Mosselbaai‑, George‑, Knysna‑ en Pletterbergbaai-omgewing sal waai.
Die Outeniekwapas is ook steeds gesluit volgens Kenny Africa, Kaapse verkeershoof, weens “hewige brande”. “Ons versoek motoriste om asseblief van alternatiewe roetes gebruik te maak,” het Africa gesê.
Luidens die Oudtshoorn‑munisipaliteit is die Montagu‑pas ook gesluit sowel as die Robinson‑pas as gevolg van ʼn boom wat by Ruitersbos oor die pad geval het.
Sewe persone is dood in Farleigh naby die Karatara-omgewing by Knysna. Onder die oorledenes is ’n swanger vrou en kleuters.
My skoonsuster en swaer in ‘n rolstoel is gepak. Wag vir die ontruim teken. Dit vat aan ‘n mens as jy wil help maar 1000 km ver is.
Kan ons saam staan in gebed om vir onse Hemelse Vader te vra om reën te stuur oor hierdie gebied? Soveel hartseer en verwoesting. Innige simpatie aan die families wat geliefdes verloor het. Ons bid ook vir die brawe brandweer personeel vir beskerming.
Dis waar Daan ek hoop net jou familie sal veilig daar uitkom. Al wat ons nou kan doen is net om te smeek dat die Here almal genadig sal wees en verligting bring met swaar neerslae.
Ons as mens kan net soveel doen maar GOD beskik.
Weet iemand of dit nogsteeds reen in George! Mense ons moet bid vir reen asseblief!
STERKTE aan almal wat help met die brand!!!
Nog geen reën hier in George, net die wind wat woes waai.
Vanaf Wildernis – nog geen reën. Erge wind. Darem twee helicopters gewaar doenig met watersakke.
Weet iemand of dit nogsteeds reen in George!
STERKTE vir almal wat help met die brand!
Ons Vader stuur nog reën oor die brandende gebiede maak U hemel sluise oop asb in Jesus Naam Amen?
Hanno Pool – Amen