Geregtelike ondersoek na toeris se dood op gholfbaan

‘n Duitser is dood op ‘n gholfbaan in Margate. (Foto: Netcare911).

Die polisie doen ’n geregtelike doodsondersoek nadat die liggaam van ’n Duitse toeris oor die naweek op ʼn gholfbaan in Margate, KwaZulu-Natal, gevind is.

Kapt. Nqobile Gwala, woordvoerder van die polisie, sê aan Maroela Media die 66-jarige man het geen sigbare beserings gehad toe hy Saterdagmiddag leweloos op die gholfbaan gevind is nie.

Volgens die nooddienste op die toneel het die man egter ernstige beserings aan sy kop opgedoen nadat hy deur ʼn onbekende persoon aangerand is.

“Die man het op die grond gelê en glad nie gereageer op paramedici se behandeling nie,” het Shawn Herbst, woordvoerder van Netcare 911, gesê. Die man is op die toneel dood verklaar.

Gwala sê ’n nadoodse ondersoek word gedoen om die oorsaak van die man se dood te bepaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

5 Kommentare

jongste oudste gewildste
Awie

Dis ‘n ander manier om die misdaad statistieke laag te hou.

Oros Soros

Geregtelike doodsondersoek word gedoen as geen gemene spel (misdaad) vermoed word nie.

Pampoen

As ‘n onbekende persoon die man doodgeslaan het, dan moet daar ‘n moord dossier geopen word. Iets is nie pluis nie!

Piet parys

Polisie sien niks raak nie maar paramedic op toneel sê hyt kop beserngs en is aagerand?????

Niklaas

Toeriste moet aangespreek word oor die gevare van alleen wees op gholfbane, parke en wandelpaaie in SA . As jy lyk na n teiken, het jy probleme…