Gerrie Nel gaan saak van dieremishandeling privaat vervolg

gerrie-nel-ndbv

V.l.n.r. is Dimpeng Maangwale, ondersoekbeampte by AfriForum, adv. Gerrie Nel, hoof van AfriForum se private vervolgingseenheid, Kallie Kriel, uitvoerende hoof van AfriForum, Marcelle Meredith, uitvoerende direkteur van die NDBV, en Grace de Lange, hoof van die NDBV se plaasdierebeskermingseenheid. Foto: Verskaf.

Adv. Gerrie Nel, hoof van AfriForum se private vervolgingseenheid, beplan om Thandi Modise, voorsitter van die nasionale raad van provinsies, vir dieremishandeling te vervolg.

Die burgerregte-organisasie se eenheid en die Nasionale Dierebeskermingvereniging (NDBV) het Donderdag tydens ʼn mediakonferensie in Centurion dié aankondiging gemaak.

Die NDBV het in Julie 2014 ʼn klagte ontvang en op een van die wreedste gevalle van dieremishandeling in die organisasie se bestaan afgekom. Modise se plaas was besaai met karkasse van meer as 50 varke en ander dooie diere soos ganse, eende, skape en bokke.

Die oorlewende diere, insluitende varke, skape, hoenders en bokke is sonder kos en water gelaat en was in ʼn haglike toestand. Die NDBV moes 162 diere weens hulle toestand van kant maak.

Volgens Nel het die NDBV ingevolge die Wet op Verenigings vir die Voorkoming van Dieremishandeling statutêre magte om oortreders privaat te vervolg.

“AfriForum se private vervolgingseenheid het die saak ondersoek en bevind dat daar prima facie-bewyse is om Modise suksesvol te vervolg. Dit is noodsaaklik om private vervolging in te stel om te verseker dat geregtigheid geskied,” het Nel gesê.

“Die NDBV kan in eie reg vervolg indien die direkteur van openbare vervolging weier om te vervolg. Ons het die NVG vandag geadviseer dat Nel die aanklaer op die private vervolgingsaak gaan wees rakende die aanklagte van dieremishandeling teen Modise.

“Die dieremishandeling op Modise se plaas was van die ergste waarmee ons nog te make gehad het. Die diere is aan hul eie genade oorgelaat en talle diere het van die honger gevrek,” het Marcelle Meredith, uitvoerende direkteur van die NDBV, gesê.

Meredith het gesê die organisasie is dankbaar dat AfriForum Nel se dienste beskikbaar stel om hul eerste private vervolgingsaak van stapel te stuur en te lei.

Nel het bygevoeg dat die saak in die distrikshof in Potchefstroom aangehoor sal word en dat hy self baie daarna uitsien om weer terug in die hof te wees.

“Die private vervolging van Modise pas by die eenheid se doel om almal gelyk te stel voor die reg,” het hy gesê.

Volgens Meredith het howe in sake van erge dieremishandeling al boetes van tot R60 000 gelas.

“Mense wat aan dieremishandeling skuldig bevind word, sit ook met ʼn kriminele rekord en in die jongste saak wat gehandel het oor hondegevegte is die skuldige selfs tronkstraf opgelê. Dit is dit vir ons ʼn teken dat regters hierdie soort sake al ernstiger neem.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Lizelda

Baie dankie Gerrie Nel en span dat julle hierdie saak aanvat!

Johanna

Fantasties. ek hoop van harte dit is nie n lang uitgerekte saak nie. Mag hy swaar gestraf word.

Grant

Gerrie Nel en Afriforum – love you, love you, love you!!!!! As Wetgewing gewysig kan word om meer Regte aan Diere te gee – sjoe, ek wens ek het die geld gehad om befondsing te bied om so ‘n Aansoek na die Howe te neem. Hou ons op hoogte.

Hasie

Gerrie Nel het mog niks gedoen wat ek van weet sederd hy in sy nuwe pos is nie. Hy en sy span is maar lig in die broek.

Ellisras

Hoor. Hoor. Dankie tog vir Afriforum. As jy hier lees en jy is nognie ‘n lid nie. SLUIT AAN. Eendracht maakt macht.