(Foto: pixabay)
Gerugte op sosiale media dat die drankverbod glo weer ingestel gaan word, is vals. Só het Mlungisi Mtshali, die woordvoerder van samewerkende regering en tradisionele sake (Cogta), Dinsdag bevestig.
ʼn Herrie het Maandag losgebars na talle stemboodskappe die ronde op sosialemediaplatforms begin doen het oor die drankverbod wat vandeesweek weer in werking gestel gaan word.
Mtshali sê die kabinet het nog nie bymekaar gekom om die regulasies rakende die koop en verkoop van alkohol te bespreek nie. “Daar is geen besluit oor die alkoholverbod geneem nie, want dit is nog nie eers bespreek nie,” bevestig Mtshali.
Dean Macpherson, DA-LP en skaduminister van handel en nywerheid, het ook aan Maroela Media bevestig dat die boodskappe wat versprei word, fopnuus is.
Die Suid-Afrikaanse Vereniging van Drankhandelsname (Salba) het Maandagaand in ʼn verklaring gesê hulle neem kennis van die gerugte wat versprei word en het ook beaam dat drankverkope nie die week opgeskort gaan word nie.
“Ons het nog geen inligting van die regering ontvang wat daarop dui dat die huidige vlak 3-regulasies rakende die verkoop van alkohol hersien gaan word nie,” bevestig Salba.
Salba sê die fopnuus wat versprei word, kan tot paniekaankope van alkohol lei, wat die handhawing van die veiligheidsmaatreëls asook veilige afstand by drankwinkels kan ondermyn. “Ons doen ʼn beroep op alle Suid-Afrikaners om hulle van die verspreiding van fopnuus te weerhou. Dit is ʼn misdaad en veroorsaak net onnodige paniek,” lui die verklaring.
Salba sê sedert die hervatting van drankverkope met die instel van vlak 3 van afsondering, het die drankbedryf voortgegaan om nou saam met die regering te werk om die veilige en wettige heropening van die sektor te verseker. Dit het ingesluit dat die bedryf hom tot sekere veiligheidsmaatreëls verbind om veilige en verantwoordelike drankverkope te verseker om sodoende die verspreiding van Covid-19 te bekamp.
En Tops het al die pad gelag . Hahaha!
Brakpan Tops het nou n Spar gekry.
Ek het weer gehoor die fyngemaalde, gedroogde lewer van ANC en EFF kaders genees COVID-19. Moet waar wees want Einstein, die ontdekker van die gloeilamp, het dit gister op die internet geskryf.
Ek vertrou geen komunis nie met hulle is enige iets moontlik
Ek het dit vir die waarheid van ‘n baie intelligente persoon gekry. Selfs toe ek hom daarop wys dat dit doodeenvoudig snert is weens die waarskynlikheid dat NDZ beslis nie die kans sal laat verbygaan om dit persoonlik aan te kondig nie, was hy steeds skepties. Mense val vir enige tabak (jammer nonsies).
Natuurlik gaan hulle nie nou die drank net stop nie, die regering kry mos nou weer geld in hulle sakke.
Gaan koop maar ‘n bottel of ses. Hoeveel maal het hierdie goverment ‘n berug as vals uitgemaak, en dan waaneer ons rustig slaap soe 02h00vm dit deurgestoot. Dan word jy die volgende more wakker en daar is dit…..drank verbod weer ingestel. Onthou hoe ou Jacob Zuma sy kabinet verander het in die middernag ure soos ‘n dief in die nag? Wat se ek….hy was ‘n dief! Jy word wakker dan is Des van Rooyen Minister van Finansies, en dan val al die markte, die rand is skielik R40 vir ‘n $, en Des van Rooyen is Minister van Finansies vir ‘n naweek. En dit is ons wonderlike ANC! Gaan nog ‘n rukkie moet wag totdat die boek genaamd “How Covid 19 Attacks The Body Through Open Toe Shoes” by Ebrahim Patel uitkom. En dit is ons wonderlike ANC!
Johan tot CR het op level 4 gesê ons mag maar rook. Ek vertrou die regering nie.
Gerugte van korrupte belasting geld diewe, wat tronk toe gestuur gaan word vir jare is ook vals en misleidend .
War daar n rookie is, is daar beslis n vuurtjie.. ek vat eerder nie weer n kans nie..
Dis net weer om die mense te verhoed om ‘n ekstra bottel of twee nie op te gaar nie. Ek glo hulle nie.
Salesman gimmic
Nou verneem Regering sê Suid-Afrikaners moet ernstig dink oor volk se drank verbruik.
Dis meer as waarskynlik waar dat daar probleem is.
Net jammer die oproep kom van ‘n Regering wie se lede al te veel my laat dink aan daai ouens met die balk in die oog.
Ek het in elk geval voorsorg getref, want met die kaders en die ANC is enige iets moontlik en hulle kondig vinnig ‘n ding af dan moet ek weer in ‘n ry gaan staan. Of ek dit nou gekoop het en of ek dit oor ‘n maand gaan koop het, ek sou in elk geval gaan koop het.
As die klomp dit sou doen, hoop ek al wat ‘n organisasie is gaan hof toe. Die hele mentaliteit v hierdie sg regering is om die hele klas te straf as 2 of 3 stout was. Dis nie net arbitrer en irrasioneel nie, dit maak mens siek. ‘n Klomp vergryp hulle aan drank en maak droog, maar kan die lot bewys dat dit 90% v drank gebruikers is? Het hulle betroubare syfers om dit te staaf? As 80% v drank gebruikers dit met verantwoordelikheid doen, waarom hulle straf deur 20% se optrede? Die kortste roete vir hulle is seker om agteraf die klomp kamerade by die WGO te vra om ‘n verklaring uit te reik wat aandui dat drankmisbruik Covid sterftes aanhelp. Met sulke onwaarhede kan die sg regering seker vir nog maande en maande wetsgehoorsame burgers rondstamp en soos kinders behandel.
Ek het genoeg gekoop om my en my hele gesin deur te druk. Sluit maar tot Desember. Vertrou nie een van julle nie. Klaar die eerste keer gevang. Maak nog net siggarette oop vir week. Dan koop ek ook genoeg tot Desember.
Vandag is vandag, môre is môre…….niks is onmoontlik nie, dit het die regering al bewys.