Gesin op pad na troue in gru-ongeluk, tweeling (5) sterf

Foto: Verskaf.

Die polisie in Namakgale buite Phalaborwa ondersoek ʼn saak van strafbare manslag nadat drie mense Saterdag in ʼn motorongeluk dood is terwyl hul op pad was na ʼn troue.

Lt.kol. Moathse Ngoepe, woordvoerder van die polisie, het gesê die voorval het Saterdag op die R71 tussen Phalaborwa en Gravelotte plaasgevind.

“ʼn Toyota Etios was op dié pad net buite Namakgale toe die bestuurder van die motor beheer oor die motor verloor het en dit teen ʼn boom gebots het. Die gesin was op pad na ʼn troue in Nkowankowa buite Tzaneen.”

ʼn Tweeling, ʼn seun en ʼn meisie (5), en ʼn 46-jarige vrou is op slag dood. Vyf ander, onder wie die bestuurder, is in ʼn ernstige toestand na die hospitaal gehaas.

Die polisie ondersoek die oorsaak van die ongeluk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Philip

Daar was dus agt mense in die kar, ‘n Etios is ‘n klein karretjie en beslis nie bedoel om agt mense te vervoer nie.

Gert

AGT??

Vicky

En daai stukkie pad by Namakgale is n 60 / 80 zone.. wonne wat het Drywer gery as hy beheer verloor het

Adri

Met 8 mense in ‘n Etios is dit te wagte dat die kar buite beheer kan raak.

Wagter

Reels geld nie op sekere paaie vir sekere mense nie, en daardie pad is een so n voorbeeld.