Gesinsmoord: Sekerheidswag maak gru-vonds

Henco Naude en vermoedelik sy ma, Lizelle. (Foto: Facebook)

Die gemeenskap van Secunda is geruk deur wat lyk na ʼn gesinsmoord nadat ʼn sekerheidswag van die omgewing Vrydagoggend ʼn gru-ontdekking in ʼn huis gedoen het.

Volgens kapt. Gerhard Elmes, polisiewoordvoerder van Secunda, is Andries Lee van die sekerheidsmaatskappy Roman Alarms Vrydagoggend na die huis om ondersoek in te stel. Dit nadat Lizelle Naudé nie opgedaag het vir werk by ʼn laerskool in die omgewing nie.

“By die huis aangekom het Lee die liggame van Carl Andries Naudé (50), sy vrou Lizelle Naudé (52), sy ma Fredrica Christina Naudé (83) en die Naudé’s se 17-jarige seun, Henko, aangetref,” sê Elmes.

Volgens Lee se vertelling was dit stil by die Naudé’s se adres en hy het die huis binnegegaan om ondersoek in te stel. “In die eerste slaapkamer van die huis het hy die ouma, Fredrica Christina Naudé, met ʼn skietwond aan haar linkerslaap aangetref. In die tweede slaapkamer het hy Lizelle met ʼn skietwond ook aan die slaap aangetref. In dieselfde kamer was hul paraplegiese seun in die bed, ook met ʼn skietwond aan sy linkerslaap. In die hoofslaapkamer van die huis se badkamer het Lee Andries Naudé in ʼn plas bloed op die toilet aangetref met ʼn skietwond in die mond. Langs hom was ʼn 9 mm-pistool,” sê Elmes.

Laerskool Trichardt het op sy Facebook-blad ʼn foto van Henko en vermoedelik sy ma, Lizelle, geplaas met die woorde: Ons harte is stukkend oor die verlies van ʼn gesin … een van ons oudleerders Henco Naudé.”

Elmes sê drie sake van moord op die twee vroue en seun word ondersoek. ʼn Geregtelike doodsondersoek na Andries se dood is begin.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

31 Kommentare

Miems Viljoen ·

As n mens nie die omstandighede en kennis dra van betrokke voorval nie bly stil onthou daar is nog familie van al die afgestorwendes wat bitter hartseer is oor die voorval

Wernher ·

Daar is geen omstandighede wat dit regverdig nie, soos in géén.

Willie ·

So jammer. Hulle kon nog so baie vir gemeenskap beteken het. Lyk Nou vrou wat n sterk vrou was. Waarom nie probleme bespreek het nie. Tragies.

Willem Grobler ·

Baie mense kan nie meer die onsekerheid van leef in die Nuwe Suid-Afrika hanteer nie. Die Here sal besluit oor die reg of verkeerd ons kan maar net simpatiseer.

CJ ·

Oordeel en jy sal geoordeel word. Wat hy gedoen het is nie reg nie maar laat ons eerder leer daar uit om in vandag se lewe die druk wat ons ervaar beter te hanteer en God te vertrou om ons probleme op te los en nie ons self nie.

Wonder ·

Hoe is almal op dieselfde manier geskiet? Dit is moontlik maar mens baklei mos met alles wat jy het as jy die eerste skoot hoor. Sal maar moet oopkop wees met ondersoek. Sterkte aan julle.

Poppie ·

Baie maklik. Jy sorg dat almal slaappille inkry so weet niemand van niks.

Gesiggie ·

Hoekom gebeur so iets? hoe kan iemand so iets doen… hoekom jou gesin almal uitwis en dan jou eie lewe neem?? Dit is Tragies…. My innige meegevoel aan die Familie en vriende.

Magda ·

Dit is so hartseer ek dink as jy hierdie familie gesien het sou n mens gedink het hul is n baie gelukkige familie daardie glimlag so mooi maar baie hartseer in haar moenie klippie gooi nie ander kan praat ander hou dit vir hul self sterkte aan hul familie ????

Chane ·

Hartseerste nuus ooit. Sal vir Henko nooit vergeet nie, met die Here se genade het hy so baie verrig. Sal vir ewig vir my ‘n inspirasie bly. En sy ma was ‘n engel. RIV. Sterkte vir die famile

Debbie Fourie ·

We cannot understand the depths of depression, the utter despair and hopelessness and powerlessness that accompanies it. We live in a world which is fast paced and performance orientated. It is difficult for people to reach out for help when they feel they may have failed in some or other way, because the very act of reaching out can imply to that person that they are not making it in this world. This is a very tragic incident and my thoughts and prayers go out to family, friends and colleagues .

E.K. die eerste ·

Muffin en Cherokee(Soos gewoonlik) moet liefs wegbly van die kommentare. DINK voor jul net skryf. Daar is familie en vriende, kollegas ens wat agterbly en om so te oordeel terwyl jul glad nie weet wat die (moontlik) desperate omstandighede was is ongevraagd. Ek verstaan nooit hoe werk Maroela se bepalings en voorwaardes nie – lyk of dit net soms werk en soms nie.

Stokkies du Toit ·

E.k. die eerste ek stem met jou saam. En as jy mense soos muffin en moontlik cherokee daarop wys word jou kommentaar ook sommer verwyder. Dubbele standaarde blyk dit my

Goeie vraag ·

Vir Cherokee is allies toelaatnaar indien ju nog NIE gesien het nie. Sy is some ook erg rassisties, maar haar kommentare bly.

Walter ·

Sekere lesers hou nou maar eenmaal van oordeel en veroordeel….

Foto ·

Maroela, hoekom plaas julle ‘n foto van ‘vermoedelik sy ma’; kan julle nie maar jul feite verifieer voordat julle berigte en veral foto’s van mense plaas nie?

Maroela gaan grawe ook altyd op Facebook om berigte van lief en leed te probeer aanvul; julle skryf altyd só en só het dit en dat op Facebook geskryf – verwys jul lesers eerder maar net na die Facebookblad, en vul die berig met feite of maak die berig korter.

Wat gaan julle doen as die foto van ´vermoedelik sy ma’ toe nooit sy ma is nie maar iemand anders en vriende of kennisse is in rep en roer oor hulle ´n foto gesien het van iemand wat hulle dalk kon ken maar nie haar persoonlike lewe ken nie, en dis toe dalk nooit die slagoffer van die gesinsmoord nie? Ek weet dit is onwaarskynlik en vermoedelik tog sy ma, maar verantwoordelike beriggewing maak seker van feite en foto’s voordat dit geplaas word, veral in so ´n geval.

Mag die familie en geliefdes vertroosting vind.

Gert Retire@Midstream ·

Afleggings voorbereiding so noodsaaklik. Meer moet gedoen word. Omstandighede in Suid Afrika so demoraliserend. Stygende werkloosheid. Dienstelewering swak. Algemene verval alledaags. Sterkte aan die familie.

Pieter ·

Omstandighede in hierdié land, maak dinge bitter swaar vir baie. Soms sien hul net een uitweg.

Lindie ·

Ek is so jammer vir die familie, dit is verskriklik tragies.

Mary-Ann ·

Dit is verskriklik, n mens weet nooit waardeur n Ander mens Gaan nie, always EK Kan se is sterkte aan die familie en vriende dit is n Baie Lang process om oor die trauma te Kom. EK myself was deur die selfde in 2012. Depression is n Groot problem, jy sien dit nie want dit word so goed weg gesteek. Sterkte aan die naasbestaandes.

Ana ·

Bitter tragies. Baie sterkte aan familie en vriende. Bid dat ons Vader julle sal omvou en vertroos.

Elizabeth ·

Mense gaan lees gerus weer Debbie Fourie se kommentaar.
Debbie dis mense soos jy wat ek graag wil ken.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.