Volgens hoofsupt. Wilfred Kgasago, woordvoerder van die metropolisie, het beamptes wat in die gebied gepatrolleer het ʼn verdagte Audi A3 gesien.
Beamptes het die voertuig van die pad af getrek en gesien die bestuurder is ʼn gesoekte misdadiger wat in Januarie 2013 in hegtenis geneem is in verband met ʼn rooftog by Carnival Mall in Brakpan.
Die verdagte is glo kort na sy inhegtenisname op borg vrygelaat waarna hy gevlug het. Hy is Vrydagmiddag in hegtenis geneem.
Volgens Kgasago is beamptes na die verdagte se huis in Germiston waar hulle op ʼn 9mm-pistool en ammunisie beslag gelê het.
Die verdagte sal Maandag in die Germiston-landdroshof verskyn op aanklag van die besit van ʼn ongelisensieerde vuurwapen en ammunisie.