Gesoekte moordverdagte doodgeskiet

Die vuurwapen waarop beslag gelê is. Foto: SAPD

ʼn Man wat deur die polisie gesoek is vir sake van moord, poging tot moord en verkragting, is Maandagaand doodgeskiet.

Beamptes het reageer op inligting en laat gisteraand in die gebied van Monwabisi-strand naby Khayelitsha op die Kaapse Vlakte toegeslaan.

Volgens lt.kol. Andrè Traut, polisiewoordvoerder, het ʼn skietgeveg tussen lede van die spesiale taakmag en die verdagte uitgebreek.

“Die verdagte en ʼn onbekende medepligtige is tydens die voorval doodgeskiet. Daar is op ʼn vuurwapen beslag gelê.”

Traut het gesê die 29-jarige verdagte se naam kan nie in dié stadium bekend gemaak word nie terwyl die identiteit van sy medepligtige nog vasgestel moet word.

Die verdagte was glo betrokke by talle moorde, pogings tot moord en ʼn verkragting wat in die Samora Machel-, Nyanga- en Phillipi-gebiede plaasgevind het.

“Die verdagte is ook gesoek in verband met die moord op twee wetstoepassingsbeamptes vroeër die maand in Sweet Home, Philippi.”

Maroela Media het vroeër berig Jan Nieuwenhuys (49) en Simtembile Nyangiwe (43) was op 4 September aan diens by ʼn bouperseel in Sweet Home om werkers te beskerm as hulle aangeval sou word. Die twee beamptes is egter self oorval en geskiet. Albei beamptes is met ʼn helikopter na ʼn hospitaal geneem vir dringende behandeling, maar het in die hospitaal aan hul beserings beswyk.

Nieuwenhuys laat ʼn vrou en vier kinders agter. Hy het 25 jaar diens in die polisie en sou aan die einde van die jaar afgetree het.

Nyangiwe was ʼn pa van drie kinders, die jongste ʼn baba van 11 maande. Hy was die gesin se broodwinner en het ook vir sy bejaarde ma gesorg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Ig

Well done SAPS hunt them down and kill them as that is what the culprits deserve! Very sad for SAPS loss and they were just protecting other people, sick country we live in, but i have a feeling our government does not care they just sit on their arses and see where they can raise our taxes, Whart about everyone’s safety ??????????????

Gemaskerde Sopbeen

Ek sien die “doodstraf bepleiters” is nou relatief stil. Ek hoop hulle’s nou almal tevrede. Die doodstraf word nou nie meer deur ‘n regter, bygestaan deur kollegas, met al die bewyse voor hom of haar, op ‘n wettige wyse toegepas nie, maar deur ‘n paar College Cowboys wat na net ses maande ‘n gun en ‘n uniform kry………en wild raak net waar hulle kan!! Ek’s jammer vir die onskuldige “by-standers”……..maar die regering sê deur dit in ‘n hof te laat gebeur, gaan ook maar ‘n paar onskuldige “by-standers” laat swaai…

Derick

Wel gedaan aan die polisie.

Neels

Welgedaan SAPD!
Lyk my die stryd word stadig maar seker gewen …. hou so aan!

Willem

Amen. Welgedaan SAP!