Ruan Christopher Boshoff (19). (Foto: Verskaf)
Die polisie in Limpopo het ʼn soektog van stapel gestuur na ʼn 19-jarige man wat Vrydag naby Polokwane spoorloos verdwyn het.
Sers. Mienkie Ramakgoakgoa, polisiewoordvoerder, sê Ruan Christopher Boshoff woon op ʼn kleinhoewe buite die stad.
Sy ma het hom glo Vrydag tussen 13:00 en 14:00 gesien terwyl hy middagete genuttig het, waarna hy verdwyn het.
Volgens die polisie is Boshoff verstandelik gestremd.
Ramakgoakgoa het gesê ten spyte van ʼn uitgebreide soektog, kon die polisie in hierdie stadium nog geen spoor van Boshoff vind nie.
Hy is sowat 1,4 m lank en het ʼn grys en blou T-hemp en ʼn swart kortbroek aangehad toe hy verdwyn het.
Die soektog na Boshoff duur intussen voort.
Enigiemand met inligting kan ao. Peter Mangakeng bel by 082 728 9831.
Laat ons almal saam bid dat hy ongedeerd gevind sal word.
Ek ken die kind! Kom ons almal bid hard saam! Asb Here, hou asb U hand oor hom en bring hom veilig terug na sy geliefdes! Hys so ñ pragtige kind!
Lees ek reg? 1,4 m? Dis bitter klein vir ń jong man.
Ek hoop hy word gou gevind.