Gevangene in tronk doodgesteek

tronksel

Argieffoto.

Die polisie ondersoek ʼn saak van moord nadat ʼn gevangene vandeesweek in die Medium B-afdeling van die Leeuwkop-gevangenis in Johannesburg met ʼn skerp voorwerp doodgesteek is.

Singabakho Nxumalo, woordvoerder van die departement van korrektiewe dienste, het gesê die gevangene is glo deur ʼn ander gevangene vermoor.

“Die oorledene het ernstige steekwonde aan sy nek opgedoen en is op die toneel dood,” het Nxumalo gesê.

Hy het die voorval namens die departement veroordeel. “Sulke optrede deur oortreders is onaanvaarbaar en die departement sal nie moed opgee in sy pogings om ʼn hoë standaard van veiligheid en sekuriteit te handhaaf nie.”

Buiten die polisie se ondersoek het die departement ook ʼn interne ondersoek van stapel gestuur om vas te stel of die voorval bendeverwant is of nie.

“Ons sal optree teen dié wat betrokke is en voortgaan om die situasie te monitor om seker te maak dat bedrywighede na normaal terugkeer,” het Nxumalo gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Chris Ws ·

So die skuldige kry net nog ‘n paar jaar by?Wat gaan dit help?Sou hy die doodstaf kry kon dit dien as afskrik middel vir ander maar nou is dit net ‘n verlenging van sy tyd in “Vyfster”.

Johannes van Rooyen ·

Wat van die mense wat nie in die tronk is nie se veiligheid die ou was daar omdat hy ñ krimeneel is maar sy veiligheid is belangriker ??????????????????

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.