Gevangenes by hof geskiet toe hulle probeer vlug

Argieffoto

Argieffoto

Drie gevangenes is Donderdag geskiet en gewond nadat hulle probeer het om by die Palm Ridge-landdros uit aanhouding te ontsnap.

Volgens lt.kol. Lungelo Dlamini, ʼn polisiewoordvoerder van Gauteng, het vier gevangenes uit ʼn polisievoertuig gespring en weggehardloop toe hulle omstreeks 10:00 by die hof se aanhoudingselle afgelaai is. “Drie van hulle is geskiet en in hul bene gewond, die vierde man kon daarin slaag om te ontsnap,” het Dlamini gesê. Die polisie soek nog na die vierde gevangene.

Die gewonde gevangenes is na die Natalspruit-hospitaal in Katlehong geneem vir behandeling. – SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.