Gewapende bende bestorm polisiestasie

(Argieffoto: SA Polisie/Facebook)

ʼn Polisiestasie in Limpopo is Sondagaand deur ʼn gewapende bende bestorm en polisielede met vuurwapens aangehou.

Die provinsiale polisiekommissaris van Limpopo het ʼn 72-uur-aksieplan van stapel gestuur, om te soek na die verdagtes wat die Malamulele-polisiestasie aangeval en beroof het.

Volgens kol. Athlenda Mathe, polisiewoordvoerder in die gebied, het ʼn groep gewapende mans die polisiestasie omstreeks 23:00 bestorm en die polisielede met vuurwapens gedreig. “Van die polisielede is agter in ʼn vangwa gedwing, terwyl een lid beveel is om die stasie se kluis oop te sluit, waaruit verdagtes R5-aanvalsgewere en 9 mm-pistole gebuit het. ʼn Onbekende aantal ammunisie is ook gesteel.”

Verdagtes is toe glo na ʼn nabygeleë koswinkel en vulstasie, waar hulle die ondernemings van ʼn onbekende bedrag geld beroof het.

“Spesialiseenhede in die polisie fynkam tans die toneel en is op die spoor van die swaar gewapende mans,” het Mathe gesê.

Dienste by die polisiestasie is kort ná die aanval tydelik opgeskort, maar die stasie was teen Maandagoggend weer ten volle in werking.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
Ampie

Waar in die lewe word polisie beroof? Pateties, moet maar privaat sekerheids maatskappy kry om hulle op te pas. Minister ‘hoed’ is seker vol verskonings?

Aai

Soos ek voorheen gese het die stasie se kluis sleutel moet buite op ‘n patrollie voertuig wees so as julle aandiens kom word wapens uitgeboek en as julle van diens gaan weer terug in gehandig.Dan kan die probleem vermy word deur kluis sleutels nie op kantoor te hou.

Heinrich

Drive-through bestelling op pad werk toe…net nog ‘n dag in SA misdaad paradys

Hardekwas

Dis mos wat malema gevra het.

Frank John

Polisie moet hul sokkies op trek. Hulle word nou die supplies aan kriminele se wapens.