Gewapende mans beroof Welkom-kerk

Argieffoto

Argieffoto

Die polisie is op soek na twee “netjies geklede” mans wat glo Vrydag ʼn kerk in Welkom in die Vrystaat beroof het.

“Die twee mans het Vrydagoggend die kerk beroof, kort nadat die koster die gebou oopgesluit het,” het konst. Kethabile Mofokeng, ʼn polisiewoordvoerder, Woensdag gesê.

Die mans het die gebou betree en die drie werkers in die gebou met ʼn vuurwapen aangehou. “Hulle is met plastiekkabelbandjies vasgebind en die rowers het kontant geëis,” het Mofokeng gesê.

ʼn Vrou is glo tydens die voorval aangerand. “Die verdagtes wou ook die kerk se kluissleutels, wat in die vrou se handsak was, hê. Hulle het daarna ʼn onbekende hoeveelheid kontant uit die kluis gesteel en gevlug.”

Die polisie ondersoek ʼn saak van gewapende roof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

Een kommentaar

jjobson ·

Uiters skokwekkend,verregaande om kerkgeld te steel. Mag die WET die skelms straf maar die VADER hulle vergewe want hulle weet nie wat hulle gedoen het nie.

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.