Argieffoto bloot ter illustrasie.
Altesaam 31 gevangenes het Woensdagoggend onderweg na die Pietermaritzburg-landdroshof in KwaZulu-Natal met die hulp van ’n groep swaar gewapende mans ontsnap.
Die polisie kon daarin slaag om van dié ontsnaptes weer in hegtenis te neem. Altesaam 20 ontsnaptes is egter in dié stadium nog op vrye voet.
Brig. Jay Naicker, woordvoerder van die polisie, sê twee polisiebeamptes het omstreeks 08:00 45 gevangenes van Pietermaritzburg se New Prison na die plaaslike landdroshof vervoer toe die polisievragmotor deur vyf swaar gewapende mans voorgekeer is.
Die mans het die pad met ’n dubbelkajuitbakkie versper, vuurwapens op die polisiebeamptes gerig en die agterkant van die vragmotor oopgedwing. Dit is toe dat 31 van die gevangenes ontsnap het.
Altesaam elf is sedertdien weer in hegtenis geneem. Die soektog na die ontsnapte gevangenes duur voort.
So baie gevangenis en amper geen SAPD? Of het hulle solank KFC geen koop?
Net in Suid-Afrika … korrup; en alles word vermag deur die loop van ‘n geweer. Die vraag is: waar kry hulle die wapens?! Hoop egter dat die ontsnaptes word gou gevang.
Net in Suid-Afrika!!!! Urgh!!! Maak mens skoon SIEK!!!
Sal interessant wees om te sien wie almal onder die gevangenes was
Hulle was onderweg parlement toe.
Skerp antwoord, LOL
Dis soo ala ANC! Ons land is diep verrot! Dis skrikwekkend
Jy vervoer nie 45 gevangenes met 2 lig gewapende polisie lede nie. Waar kry ons polisie hulle opleiding? Kleuterskool!?