Gewapende rower kruip in die yskas weg

Argieffoto

Speurders van Vredenburg in die Wes-Kaap het ʼn gewapende rower in ʼn yskas gevind.

“Lede van die eenheid was Dinsdagoggend vroeg besig met ʼn operasie in Louwville in Vredenburg en was op soek na ʼn misdadiger in Oxfordweg,” het kapt. FC van Wyk, woordvoerder van die polisie, gesê. “Die beamptes het die huis omstreeks 06:30 genader en ʼn inwoner het ontken dat die gesoekte persoon op die perseel bly.”

Die speurders het egter ʼn lasbrief vir inhegtenisneming gehad en hulle het die huis betree en dit deursoek. “Hulle het die yskasdeur oopgemaak en die man daar binne gevind.”

Die 29-jarige verdagte word gesoek in verband met ʼn saak van gewapende roof wat in Februarie 2016 plaasgevind het. Hy is in hegtenis geneem en het vandag weer in die Vredenburg-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

11 Kommentare

Jeannette ·

Die eienaar van die huis – wat ontken het dat die gesoekte daar is – moet VIR SEKER toegesluit word vir dwarsboming van die gereg.

$ ·

Maroela julle opskrif wek die indruk dat die man gewapen was toe hy in die yskas gevind is. Nou sê julle hy word gesoek in verband met ‘n saak van Februarie 2016. Waar is julle gewilde aanhalingstekens of die woord “vermeende”?

moelf ·

kan jy nou glo in Vredenburg die huis mense is tesame hoekom lieg hulle sluit hulle ook somer toe

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.