Geweld, oproer, plundery: Ramaphosa praat wéér vanaand

Plunderaars vlug met items wat gestroop is terwyl die polisie wet en orde probeer handhaaf by die Lotsoho-winkelsentrum in Katlehong, in Gauteng. (Foto: Phill Magakoe/AFP)

Pres. Cyril Ramaphosa spreek die land vanaand (12 Julie) om 20:30 weer toe terwyl grootskaalse chaos en plundery vandag op tientalle plekke landwyd voortgewoed het. Die tyd vir die president se aankondiging moet nog aangekondig word.

Ramaphosa het die land ook gisteraand toegespreek en toe die verskerpte afsonderingsregulasies met nog twee weke verleng. Daar is wel ook toegewings aangekondig, onder meer dat restaurante nou aansitetes vir ʼn beperkte hoeveelheid klante mag bedien.

Ramaphosa het toe ook die voortgesette geweld veroordeel.

Ingevolge die Grondwet mag die president die weermag in samewerking met die polisie ontplooi en moet die parlement daaroor ingelig word.

Die president het intussen ʼn oproep vir kalmte gedoen en misdadige elemente gewaarsku dat hulle vasgevat gaan word in ʼn proses om wetteloosheid te beëindig sodat ekonomiese bedrywighede hervat kan word.

“Die meeste Suid-Afrikaners steun nie en moet ook nie geweld en die verwoesting van eiendom en lewens wat in gevaar gestel word, steun nie. Mense word aangemoedig om misdadigheid aan te meld deur video’s van sulke bedrywighede met die polisie te deel.”

Die presidensie het ook gevra dat mense let op wat hulle op sosialemediaplatforms deel en bewus te wees dat die deel van fopnuus wat geweld of plundery aanhits, ʼn misdaad is.

Die oproer, wat aanvanklik net in KwaZulu-Natal begin het en onder die vaandel gedoen is van oproepe om oudpres. Jacob Zuma uit die tronk vry te laat, het gou na talle ander dele van die land versprei en tientalle voorvalle van misdadigheid is aangemeld. Zuma se aansoek, om sy tronkstraf te laat herroep, word vandag in die Konstitusionele Hof aangehoor.

Verskeie winkelsentrums en kleinhandelaars is geplunder en enigiets van yskaste, tot koek en TV’s is weggedra.

Maroela Media het vroeër berig die nasionale gesamentlike operasionele en intelligensiestruktuur, oftewel NatJoints, het suksesvol gevra dat die weermag in veral KwaZulu-Natal en Gauteng ontplooi word om operasionele steun aan die polisie te gee.

Die duur van die ontplooiing en die aantal soldate betrokke is nog nie duidelik nie. Ramaphosa sal na verwagting vanaand meer inligting daaroor bekend maak.

“Dit moet benadruk word dat die weermag se ontplooiingsdoelwit is om veiligheid en ʼn veilige werksomgewing vir polisielede en ander wetstoepassingsowerhede te skep terwyl hulle hul grondwetlike plig, om wet en orde te handhaaf, uitvoer,” het die weermag vroeër vandag luidens ʼn verklaring gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

26 Kommentare

Hein ·

Kan julle nou dink na al die plundery waar die virus gaan opeindig? Al die geld in die water.

Tiptol ·

Wat tans gebeur is baie ontstellend maar ek dink weer dis goed dat die wêreld sien wat hier aangaan. Help nie ons hou iets voor wat nie is nie. Hul moet sien dat apartheid weg is, en dat regstellende aksie en BEEEEE niks doen vir die goedheid van die land, rand of mens nie.

casper ·

Hulle maak nog reg omte ontplooi en wag vir die nodige “presesse”om in plek te wees.

Kokerboom ·

Hierdie het NKS met Zuma te doen maar absolute boewery. Die weermag was nie daar om ‘n veilige werksomgewing vir Polisie te skep(ala Ramaphosa) dus plundery.Die ANC het ‘n aaklige presedent geskep!!!

Jana ·

President Ramaphosa dis nie nou die tyd om te vermaan nie, daar moet net opgetree word. Hierdie mense is soos die een wat hulle ondersteun, Zuma. Christene, ons moet bid. Ons stryd is nie teen vlees en bloed nie.

Werner ·

Nog nooit gehoor dat iets reg gepraat word niq.Sou dalk gehelp het as die mense hulle aan jou gesteur het ou cyril

Jannie van Niekerk ·

Praat help NIKS nie Geagte meneer die President. Dis nie Zuma ondersteuners wat hier werksaam is nie, dis MISDADIGERS. U moet hulle asseblief nie oorsien nie. Moet asseblief ook nie sê: “Ons kan hulle nie tronk toe stuur nie want ons moet lewens spaar” soos u altyd doen nie. Neem ALMAL wat daar teenwoordig is in hegtenis en vonnis hulle., Nie net 27 uit 4000 nie.

piet ·

Jy kan nie almal in hegtenis neem nie, werk nerens ter wereld so nie.

Persheks Adri ·

Wat gaan praat help Cyril? Jou mense moet hierdie klomp by mekaar kry en DOEN iets hel!

Tipper ·

Ja wel soos ek hoor,lyk my nog meer mense gaan emigreer,ek bly maar hier.

piet ·

Ja nee wat, ek weet nie wat doen die klomp verkramptes nog hier nie. Wil duidelik nie hier wees nie. Met NIKS tevrede nie sal ook nie in enige ander land met iets tevrede wees nie. Ons kan sonder die klomp negatiewes klaarkom. Vat jou goed en trek Ferreira, moan gaan nie help nie. DOEN IETS, PAK JOU GOEDJIES EN KRY JOU RY.

haimish ·

As ek so kyk is die weermag te laat, miljoene rande se skade en verwoesting is reeds aangerig sommer in hulle pajamas. Ek het nog nooit so iets aanskou nie, pad van verwoesting soos daar geplunder is.

annie ·

As CR ten alle koste (verwysende na die miljoene wat besighede nou al opgeoffer het) nie ‘n noodtoestande wil uitroep nie gaan hy dit baie binnekort moet doen. Die groot plan vir grondhervorming gaan erger chaos as diè veroorsaak wanneer almal nou weer op al wat plaas is toesak al praat en vermaan en preek Cyril tog so mooi vir almal om tog ordelik hul grondhonger te stil.

Alleen Wolf ·

Ons is in ‘n staat van noodtoestsand, net vir die verkeerde redes

piet ·

En mense uit hoe gebou uitgegooi is en spesiale plase geskep is om van mense ontslae te raak. Baie oulik gegaan hier in die verlede.

Rian ·

Wat my opval is hoe baie mense daar by die plundery betrokke is gedurende werksure. Dit beteken net een ding. Al dié mense is werksloos. Hulle het niks en dus ook niks om te verloor nie. Mnr die President: vergeet van julle linkse dogmas en regeer die land soos die kapitaliste. Skaf al jul beperkende wetgewings af en laat die ekonomie toe om te groei, sodat al hierdie werklose mense in diens geneem kan word. Bly jul by huidige linkse politiek, sal dié land totaal tot niet gaan.

Carl ·

Hierdie is ‘n wonderlike land. Die gepeupel plunder die land om die man wat die land geplunder het te bevry. Ten minste het almal nou TV’s om vanaand vir CR te kyk – hoop net hulle het betyds vandag TV lisensies gekoop…..

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.