Geweld vlam weer op in Coligny

Vragmotors wat deur betogers in Coligny in Noordwes aan die brand gesteek is (25 April 2017). Foto: Facebook via Marlene Roux

Gewelddadige betogings het Dinsdag weer in Coligny in Noordwes opgevlam waartydens vragmotors en huise deur betogers aan die brand gesteek is.

Brig. Sabata Mokgwabone, woordvoerder van die polisie, het aan Maroela Media gesê een trekker, drie vragmotors en drie huise in die dorp is Dinsdag afgebrand. “Geen beserings is aangemeld nie. Dit lyk asof daar niemand in die huise was toe dit aan die brand gesteek is nie,” het hy gesê.

Hy het gesê hy verneem daar is wel verdagtes in Coligny in hegtenis geneem, maar kon nie onmiddellik bevestig hoeveel nie.

“Die polisie is op die toneel en doen die nodige stappe om die skare uiteen te jaag. Watter metodes gebruik word kan ek nie nou bevestig nie, want dit is deel van die operasionele besluite wat daar geneem word,” het hy gesê. “Die probleem is dat die betogers nie in ʼn groot groepe beweeg nie, maar eerder in baie kleiner groepe en daarom is hulle moeiliker om te beheer.”

Vrydag is daar ook drie vragmotors buite Lichtenburg aan die brand gesteek en Maandag is ʼn polisie-njala verwoes nadat betogers dit aan die brand gesteek het. Talle winkels en sakeondernemings in Coligny is erg deur betogers beskadig en geplunder.

ʼn Onderneming in Coligny in Noordwes wat onder betogers deurgeloop het (25 April 2017). Foto: Facebook via Marlene Roux

Sewe verdagtes is Maandagnag in Blydeville buite Lichtenburg in hegtenis geneem. Vrydag is altesaam 14 verdagtes ook in Lichtenburg in hegtenis geneem.

Mokgwabone het gesê die R503 tussen Coligny en Lichtenburg was teen Dinsdagmiddag steeds oop vir verkeer, maar het motoriste gewaarsku om versigtig te wees wanneer hulle die pad gebruik omdat betogings wel met tye daar opvlam.

Mokgwabone het weer beklemtoon dat talle lede van die polisie se eenheid vir openbare orde asook verkeersbeamptes op verskillende plekke ontplooi is om die situasie te monitor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
janee

Die polisie is nie bevoeg om die situasies te hanteer nie…Njalas is draers van gewapende reaksie …opgelei om onluste te beheer……..beheer hulle dan dammit.

Henk

Hulle beweeg dus in bendes rond en terroriseer, plunder en stig brande? Dit is mos nie ‘n protesoptog nie, dis anargie.

JG

Hierdie is niks anders as beplande terrorisme en dit is die SAPD se PLIG om dit met die reaksie wat dit verdien te hanteer….maar ons weet almal die WIL ontbreek

Ronel

Ek lewer nie graag kommmetaar in sulke gevalle nie maar nou wil ek net graag weet wat hierdie betogers sal doen as die dorp se mense in hulle nedersettings ingaan en ook voor die voet begin om alles daar aan die brand begin steek?

Rina Pretorius

hierdie is ‘n eensydige oorlog en dit gaan uit en uit om die blankes op hulle kniee te dwing, dis beplande aksies die. ons sal moet begin optree