Gewelddadige misdadigers ontsnap uit polisieselle

Argieffoto

Argieffoto

Die polisie in Bellair, KwaZulu-Natal, is op soek na drie gevaarlike misdadigers wat Sondagoggend uit aanhouding ontsnap het.

“Die polisie het ‘n roetine-ondersoek by die polisieselle gedoen toe hulle ontdek dat Vusi Gumede, Bheki Nkosi en Siya Dlamini ontsnap het,” het kol Jay Naicker, woordvoerder van die polisie, in ‘n verklaring gesê. “Die aangehoudenes het glo ‘n gat in die muur van die sel gegrawe.”

Gumede is in hegtenis geneem op aanklag van moord, Nkosi vir die besit van ‘n vuurwapen, en Dlamini is in hegtenis geneem vir die besit van gesteelde eiendom.

“Die polisie ondersoek ‘n saak van die ontsnapping uit wettige aanhouding,” het Naicker bygevoeg. “Hierdie misdadigers is gevaarlik en ons versoek die gemeenskap om hulle nie self aan te keer nie, maar eerder die polisie so gou as moontlik te kontak.”

Kontak die Bellair-polisie by 031 451 2826 of skakel Crime Stop by 08600 10111.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Berhalet Beukes

Dit gaan darem lekker hier in ons land!

jacques

Ek weet nie hoekom hulle se ontsnap nie want hulle is vrygelaat deur die mense wat hulle moes op pas.Hoe breek jy tronk tralies of kom verby die wagte wat jou op pas.

johan

Hulle ontsnap nie. Hulle word vrygelaat deur die tronkbewaarders

Louis C. Prinsloo

Vraag:
Waarom word sel inspeksies nie meer op gereelde tydstip gehou nie?
Hoe duk is die mure van die sel waardeur gegrou is en hoe sterk is die bou materiaal?

George

Ek verstaan alles, maar hoe de hoenders grawe ‘n mens met jou kaal hande ‘n gat deur ‘n beton muur of breek yster tralies??? Net die korrupte polisie beamptes kan so iets verduidelik. Let asb daarop dat ek nie veralgemeen nie.