Clifton, Kaapstad. (Foto: Bevan Langley)
Dele van een van Kaapstad se gewildste strande, Clifton-strand, sal tot verdere kennisgewing gesluit wees nadat ʼn rioolpomp in die omgewing onklaar geraak het. Dít het daartoe gelei dat afvalwater op die strand opdam.
Die Stad Kaapstad het in ʼn verklaring gesê dat dele van die strand tydelik gesluit sal wees. Toegang tot die strand was Sondag reeds beperk.
Luidens die Stad se verklaring is die tydelike sluiting te wyte aan ʼn rioolpompstasie wat by Clifton se Vierde strand ontklaar geraak het en afvalwater op dele van die strand gestort het.
“Nadat die stand van sake ondersoek is, is die besluit geneem om slegs ʼn gedeelte van die strand te sluit,” sê die Stad.
“Verskeie staatsdepartemente is in kennis gestel oor die voorval en herstelwerk aan die pompstasie is tans aan die gang.”
ʼn Keerwal is intussen gebou om te verhoed dat die afvalwater die see besoedel.
Waarskuwingsborde is ook opgerig om lede van die publiek in kennis te stel oor die voorval.
Dit is nog nie duidelik wat die oorsaak van die fout by die aanleg is nie, maar owerhede is reeds besig om ondersoek in te stel.
Die Stad Kaapstad was verlede maand genoop om ʼn aantal gewilde strande te sluit nadat twee rioolpompe in die omgewing onklaar geraak het. Dit het daartoe gelei dat rioolwater in die see gestort is en dat die water vir ʼn geruime tyd onveilig was om in te swem.
Laat die parlement se slapers op die strand gaan wandel ….kaalvoet .
Ons was onlangs in Kaapstad en.oppad Somerset Wes toe.
Ek moet sê die DA sal hulle vingers moet trek om by te bly. Dinge gaan agteruit in Kaapstad. Dis een ding om die ryk woonbuurtes skoon te hou….. en beslis n ander ding om by die informele Settlement skoon te hou.
Dit is hier waar die DA baie punte gaan verloor.
Hou arm en ryk tevrede. Stemme en geld is ewe veel werd.
Ek dog dit gaan so goed in die Kaap
Alles oë verblindery.
Lyk vir my DA begin ANC te volg. Waar was die voorkomende maatreëls wat in plek moes wees?
Dit gaan nie help om voorkomende maatreëls te tref as jy ‘n opdrag gee en die persoon wat dit moet uitvoer is onbevoeg nie.
Ek stem saam met jou Piet hulle kla oor alles.
Waar is die spaar pompe wat altyd beskikbaar moet wees vir sulke aanlegte — Beboet die persone verantwoordelik vir die nalatigheid – nie die instansie nie en dit stop onmiddelik
En daar bewys die mensdom se reaksie/s my net WEER ‘n keer reg: Ons sal IETS soek om op fout te vind! Ek stem saam met Piet – goed gebeur, dinge breek maar ek is SEKER daarvan dit gaan nie jaaaare neem soos met ons heersende party kollegas om die probleem aan te spreek nie. Ekself was laas jaar in Wes-Kaap provinsie vir ‘n vinnige besoek en ek moet sê ek was BEINDRUK met die meeste van die fasiliteite. Van die toestand van die paaie, veiligheid en sekuriteit dwarsdeur tot by vriendelikheid & behulpsaamheid. Die ander provinsies kan WRAGTIG doen met ‘n bietjie DA-Care…. trust me!
Madz en Piet ek stem 100% saam met julle
Hierdie is nie die eerste maal dat dit by hierdie strand gebeur nie en het het ook al aan die Muizenberg kant gebeur. Laasjaar was beide die Rietvlei en Zeekoeivlei reservate vir maande gesluit na groot riool stortings weens infrastruktuur wat opgepak het. Dit is ongelukkig so dat kuiergaste aan die provinsie gewoonlik die dele sien wat onderhou word omdat dit areas is waar toeriste gewoonlik kom. In Stellenbosch waar ek bly sal nuwe pad merke elke tweede maand geverf word in die dorp en ring paaie, paaie word opgeknap, blomme geplant, ens. Beweeg egter effe verder uit die dorpskern en dinge lyk heelwat anders…alhoewel steeds beter as op baie ander plekke.
Daar is veronderstel om meer as een pomp te wees. Sodat as een breek die ander kangebruik word. Dit kom nou van beee en net klomp mense wat nie weet wat eintlik aangaan aan te stel. Die bekwame mense is mos afbetaal.
5 Spaar pompe gaan nie keer dat riool op die strand beland as gevolg van die pomp wat gebreek het nie. Daai vrot water was reeds in die sisteem.
Geen party gaan die fondse om die gemors wat die anc veroorsaak het gou gou reg te maak nie. Hoe herstel jy ‘n stadsraad wat jy bankrot gekry het en waar die meerderheid alles verniet kry ?
Nee daai bruine is nie ‘n vis wat verby swem nie!