Gigaba kondig ondersoek aan oor belastingtekort

malusi-gigaba-ANA

Malusi Gigaba, minister van finansies van Suid-Afrika, het die Woensdag die 2017 Mediumtermyn-begrotingsbeleidverklaring (MTBPS) in die Parlement voorgelê. FOTO: ANA FOTO

Malusi Gigaba, die minister van finansies, het Dinsdag aangekondig pres. Jacob Zuma het ʼn dringende geregtelike ondersoek na die Suid-Afrikaanse Inkomstediens (SAID) goedgekeur.

Gigaba het gesê Tom Moyane, die SAID se kommissaris, is van die ondersoek ingelig en Moyane het onderneem om sy samewerking te gee.

“Ons verwag dat die ondersoek opbouend sal wees en die instelling verder versterk waar dit moontlik is. Dit is van belang vir die regering om vas te stel waarom belastinggeld nie ingesamel is nie en sodoende te verseker dat dringende regstellende stappe gedoen word sodat die SAID sy teikens wel haal,” het Moyane gesê.

Gigaba het verlede maand sy mini-begroting in die parlement gelewer. Dit het gewys dat die SAID ʼn belastingtekort van R50 miljard vir die huidige geldjaar ervaar. Politieke partye het teen Gigaba uitgevaar oor die reusetekort en eis Moyane se kop.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Stella

Kan hulle net eerstens vir Zuma ondersoek en aankla van belastingontduiking? Ons land word n groter sirkus by die dag.

Lynette

So begin die honde mekaar te byt. En hy hoef nie ver te soek vir sy tekort nie begin by Zuma en werk jou pad af in die parlement jy sal verseker meer as jou te kort kry just follow the money?

o

Hulle hoef regtig nie te ver te soek nie.

Sam

Nog ‘n Seriti kommissie? Die ANC regering het alle geloofwaardigheid verloor.

jan_alleman

nee nee nee mense , dink julle regtig koning zuma gaan ondersoek word ! julle verstaan nie mooi nie , dit sal weer witmense wees wat aan die kortste end trek op die ou end , dit waarborg ek julle