Gigaba ‘spyt, hartseer’ oor seksvideo

Een van die minister van binnelandse sake se twiets waarin hy verskoning vra vir die “seksvideo” wat die rondes doen.

Malusi Gigaba, minister van binnelandse sake, het verskoning gevra nadat ʼn video “wat materiaal van ʼn seksuele aard bevat” en net vir hom en sy vrou bestem was, in die sosiale media opgeduik het.

In etlike twiets Sondagoggend het Gigaba gesê: “Ek en my vrou het met spyt en hartseer kennis geneem van ʼn video wat materiaal van ʼn seksuele aard bevat en net vir ons oë bestem was. Die kommunikasie, wat die rondes onder sekere politieke figure doen, is onwettig onderskep toe my foon in 2016/’17 gekraak is.”

Hy sê dié video was die onderwerp van etlike pogings om hom af te pers wat terugstrek tot die tyd net nadat hy op 31 Maart 2017 as minister van finansies aangestel is, maar waaraan hy hom deurentyd nie gesteur het nie.

Gigaba het vanoggend vooraf aan die res van sy familie – veral sy kinders, sy ma en skoonouers – en die Suid-Afrikaanse publiek verskoning gevra vir die “pyn en verleentheid” wat die groter verspreiding van die private beeldmateriaal op die video moontlik kan aanrig.

“Ek hoop ons nasie kan eendag opbouend redeneer oor die vraag of dit reg is om die skaamtelose skending van iemand se privaatheid deur sulke materiaal te versprei, goed te praat, veral in die afwesigheid van ʼn regverdiging gegrond op openbare belang.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

93 Kommentare

jongste oudste gewildste
Primaat

Eerder iemand dit noem.

Smirre

Ha ha ha wat ‘n nar. In plaas van om sy foon wat waarskynlik deur die staat aan hom verskaf word te gebruik om sy werk te doen neem hy videos van homself. Dink nie sy foon is “gehack” nie dink eerder hy het uit onnoselheid en origheid dit aan iemand gestuur. Nou sit hy en vekoop jammer praatjies. Watter gemors regeer nie hierdie land nie?

Gemaskerde Sopbeen

1 Gigaba-byte in the ass…hahahahaha

Johanna Botha

VROTTTT ! !

Sputnik

Hie-hie! Hy’t ook gedink sy selfoon is ‘n speelding!