Gimnasium weens ‘lekkasie’ ontruim

Argieffoto: Netcare 911

ʼn Gimnasium in Johannesburg moes Vrydag ontruim word nadat daar glo ʼn gaslekkasie plaasgevind het.

“Volgens inligting vanaf die toneel is daar glo ʼn sterk chloorreuk in die lug binne die gimnasium in Houghton Estate opgemerk en al die werkers en besoekers is vir veiligheidsdoeleindes uit die gebou ontruim. Dit is nog nie duidelik wat die beweerde lekkasie veroorsaak het nie en dit moet nog ondersoek word,” het Nick Dollman, woordvoerder van Netcare 911, gesê.

Twee mans en ʼn vrou, almal werknemers, moes behandeling ontvang nadat hulle vermoedelik van die gas ingeasem het.

Al drie is in ʼn stabiele toestand met ambulanse na ʼn nabygeleë hospitaal geneem vir verdere behandeling.

Niemand anders het oor simptome gekla nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae