Goeie nuus: ‘Gryp-en-spaander-dief’ deur motoriste vasgetrek

Argieffoto

Argieffoto

ʼn Vermeende gryp-en-spaander-dief is deur twee motoriste en die bestuurder van ʼn insleepvoertuig vasgetrek nadat hy ʼn vrou se handsak gegryp en weggehardloop het.

Kapt. Joe Sepato, woordvoerder van die polisie, het gesê ’n vrou het Donderdagmiddag in haar motor by ʼn verkeerslig in Silverton, Pretoria, gesit toe ʼn man haar voorste linkerpassasiersruit uitgeslaan en haar handsak gegryp het. Die vrou het haar handsak teruggegryp, maar die man kon daarin slaag om dit af te neem waarna hy in die N4 se rigting gehardloop het.

Volgens Sepato het twee mans in die motor agter die vrou gesien wat gebeur het en agter die man begin aanhardloop. Hulle het die 24-jarige verdagte gegryp waarna hy ʼn mes uitgeruk en hulle daarmee probeer steek het. Die verdagte het weer weggehardloop. Die bestuurder van ʼn insleepvoertuig het die ander twee mans te hulp gesnel en hulle kon daarin slaag om die verdagte weer vas te trek.

Die polisie is ontbied en die verdagte is in hegtenis geneem. Hy sal na verwagting Maandag in die Pretoriase landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
NL

Tien uit Tien vir die helpers!!

Groot Gert

Mooi kêrels!!
Puik gedaan!

Ella

I LOVE THIS!!! Ons moet aanhou terugbaklei!!! Julle helpers is die beste!!!

LADYBUG

Sien, as ons so begin saamstaan, gaan die misdadigers swaar kry!

Delia

Veels geluk aan julle 3 manne! Het baie respek vir julle wat ten spyte van gevaar uitgespring en gehelp het. Mooi so!