Goeie nuus: Metropolisielid red motoris van kaping

Argieffoto

Argieffoto

ʼn Metropolisiebeampte van Johannesburg het Dinsdagaand ʼn slagoffer van ʼn kaping gered na ʼn skietery met vier mans in Soweto.

“Die beampte was op pad huis toe nadat hy van sy skof afgekom het,” het hoofsuperintendent Wayne Minnaar, woordvoerder van die polisie, gesê. “In Impalaweg in Protea, Soweto, het hy gesien hoe vier mans poog om die bestuurder van ʼn VW Polo te kaap.”

Die beampte het glo uit sy patrollievoertuig gespring om die slagoffer by te staan, maar die verdagtes het op hom losgebrand. “Hy het agter die voertuig weggekruip en teruggeskiet,” het Minnaar bygevoeg.

Drie van die mans het in ʼn wegkomvoertuig, ook ʼn Polo, gevlug, en een van die mans het in die veld ingehardloop.

“Niemand is nog in verband met die voorval in hegtenis geneem nie,” het hy gesê. Die slagoffer is ongedeerd. “Die beampte was baie dapper en sy optrede bewys sy toewyding.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Dries ·

Gee die man ‘n medalje, behalwe as hy wit is…..dan sal hulle hom aankla.

Alet ·

Goed gedoen, gee hom ‘n medalje. Dit wys daar is nog mense wat werklik omgee.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.