Die Tshwane-metroraad sê hy vorder goed met herstelwerk aan die Mooikloof-substasie. (Foto: Stad Tshwane/Twitter)
Die Tshwane-metroraad het Dinsdag gesê hulle het oor die afgelope 24 uur “beduidende vordering” met herstelwerk by die Mooikloof-substasie in Pretoria-Oos gemaak.
Dit sluit die installering van ʼn transformator- en toevoerpaneel asook verskeie kabels in.
Talle inwoners sit sedert Woensdag sonder krag nadat ’n brand grootskaalse verwoesting by dié substasie gesaai het. Die metro het vroeër aangedui dat sowat 26 kragpanele deur die vlamme vernietig is.
Luidens ’n verklaring deur die metroraad is verskeie tegniese installerings en die herstel van die staalstruktuur en dak van een van die vertrekke wat gebrand het, nou afgehandel.
“Dít het die installering van verskeie komponente bespoedig.
“Die span sal vandag [Dinsdag] voortgaan met die installering van meer elektriese komponente en gelyktydig ook die transformators se olie suiwer.”
These cables will be rerouted to provide power to Room A. #MooikloofSubstation pic.twitter.com/DGmNYtGP8W
— City of Tshwane (@CityTshwane) December 6, 2021
Die metroraad het nie ʼn aanduiding gegee van wanneer kragtoevoer ten volle herstel sal wees nie.
Daar is egter vroeër aangedui dat herstelwerk moontlik nege dae sal neem.
Maroela Media het vroeër berig dat die metro kragtoevoer na 1 500 huishoudings en sakeondernemings in Moreletapark kon herstel, maar dat inwoners van onder meer Pretoriuspark, Mooikloof, Olympus, Bosveld en ’n deel van Garsfontein steeds nie elektrisiteit het nie.
Die reën van die afgelope paar dae het herstelwerk boonop vertraag.
Kyk ne, net die opskrif aleen vertel van onreelmatighede. Die hoeveelste keer brand hierdie substasie nou al af. En hoeveel keer gaan dit nog afbrand.
Daar word absoluut doodstil gebly rakende die oorsaak van die brand. Laat mens wonder hoekom…
Ons almal weet mos dis sabbotasie