Foto: ER24
Ses voetgangers is dood en sewe beseer toe ʼn bakkie deur ʼn groep mense geploeg het in Edendaleweg, Kshwashange in Pietermaritzburg.
Paramedici is Vrydagaand kort ná 20:00 na die toneel ontbied waar die bakkie deur ʼn groep voetgangers geploeg het, het Werner Vermaak, woordvoerder van ER24, gesê.
“Die bestuurder van die bakkie het noodlottige beserings opgedoen. Volgens omstanders het lede van die gemeenskap hom met ʼn mes aangeval kort ná die voorval,” het Vermaak verduidelik. “Daar was niks wat paramedici vir hom kon doen nie en hy is op die toneel dood verklaar.”
Een van die voetgangers was in ʼn kritieke toestand en het later in die hospitaal aan sy beserings beswyk. Sewe persone is op die toneel behandel vir matige tot ernstige beserings. Hulle is na nabygeleë hospitale geneem vir verdere behandeling.
Die oorsaak van die voorval is nog nie bekend nie.
Vreemd hoe voetgangers deesdae met messe stap, net vir ingeval so tragedie gebeur om die drywer dan te kan dood.
Die bestuurder is natuurlik van alles beroof ook. As jy vandag n ongeluk oorleef is die kaans goed dat jy nie die nagevolge gaan oorleef nie.
Deesdae moet n mens maar met een of ander wapen loop om jouself te beskerm. Daarby sê ek nie wat hulle gedoen het is reg nie. Maar ek kan verstaan as mense met messe loop
Probleem wanneer voertuie gebruik word as wapens.
Wat is aan die gang in SA? Hoe word die reg so in eie hande geneem en straf uitgedeel.
Hoe weet hulle wat was die oorsaak van die voertuig wat buite beheer geraak het? Nogtans is dit baie “sad” dat n lewe niks werd is in SA nie.
Dis ‘n algemene gebeurte veral in Pietermaritzburg, motor insittendes wat ongelukke geroorsaak ongeag die rede of omstandighede, word aangeval en beroof of soos in die geval vermoor…
Die bestuurder van voertuige het nou uiteindelik besef wat se wapen van massa ver nietiging hulle in hul hande het.
Niemand is gearesteer vir moord nie?
Jammer oor die sterf gevalle en alle simpatie aan die families vir hul verlies, maar dit was ‘n ongeluk wat ‘n gebeurtenis gehad het wat dalk buite die beheer van die bestuurder was. Om moord te pleeg weens Boendoe hof sisteem en geen respek vir wet en orde is tans ‘n bewys dat hierdie land buite beheer is. So nou kan dit elkeen se reg word om so op te tree in sulke gevalle. Mense word beroof by ongelukke van hul persoonlike besittings en daar word nie gehelp, maar eerder kriminele dade gepleeg. Hoe laag kan dinge nog daal in hierdie wonderlikeDemokratiese land?
‘n Mens spel dit KwaShange. Edendaleweg (die ou naam) loop van Pietermaritzburg af deur Edendale totdat dit uiteindelik by onder andere KwaShange verbyloop. Ek neem aan die ongeluk het dus buite Edendale EN Pietermaritzburg gebeur in die KwaShange-gebied.