(Foto: Brett Jordan/Unsplash)
As jy staatmaak op Google en die omvattende reeks dienste wat hy lewer om jou werk gedoen te kry, was Maandag bes moontlik nie baie produktief nie. YouTube, Gmail en enigiets van Google Docs tot Google Play Movies en selfs Google Calender het Maandag oor groot dele van die wêreld ineengetuimel.
Teen vroegmiddag het Google se sogenaamde Workspace Status Dashboard rooi gegloei vir oënskynlik al sy dienste wat beteken daar is ʼn diensonderbreking.
Team YouTube het vroeër op Twitter gesê hy is bewus van die probleem.
We are aware that many of you are having issues accessing YouTube right now – our team is aware and looking into it. We'll update you here as soon as we have more news.
— TeamYouTube (@TeamYouTube) December 14, 2020
Die webwerf Gizmodo het berig die onderbreking laat sekere mense letterlik in die donkerte. Dit sluit in die webwerf se voormalige hoofredakteur wat Google Home gebruik en weens die onderbreking nie die ligte in sy kleuter se kamer kon aanskakel nie.
I’m sitting here in the dark in my toddler’s room because the light is controlled by @Google Home. Rethinking… a lot right now.
— Joe Brown (@joemfbrown) December 14, 2020
Vir ander was dit ʼn wrede ontnugtering om te besef hoeveel hulle op tegnologie staatmaak in hul alledaagse lewe.
It’s when google is down and you can’t heat your home that you realise how scarily reliant you are on google
???? pic.twitter.com/9lsk0c6kRN
— Alex Dunsdon (@alexdunsdon) December 14, 2020
Die webwerf downtracker.com het berig hordes klagtes is aangemeld van mense wat nie by hul Gmail-adresse kon aanmeld nie. Sowat 9% van mense het aangedui dat hulle nie die Google-soekenjin kan gebruik nie, terwyl 90% aangemeld het dat hulle nie hul e-pos kan gebruik nie.
Gmail het nagenoeg 1,5 miljard aktiewe gebruikers.
Duisende mense in Suid-Afrika het ook probleme met Google se dienste aangemeld.
Onderbrekings by Google-dienste is nie alledaags nie en dit is in hierdie stadium nie duidelik presies wat die probleme veroorsaak nie. Daily Mail het ʼn kort ruk gelede berig dit lyk of die probleme wel uitgestryk en die dienste weer herstel is.
Is miskien Huawei wat terug geslaan het.
Mmm hopelik gaan mense se oe ‘n bietjie oop oor die monopolie en beheer wat “big tech” oor ons lewens het.
Gelukkig het dit my nie geraak nie – ons krag was heeldag af gewees! :)
Oppas, netnou kry Eskom of Centlec nóg verskonings! Ons was van Saterdag al 20 ure sonder krag. Nou is dit weer so.
Dankie tog! Ek en my vrou het dit vrygespring, want sy was hospitaal toe om haar spesialis te gaan sien! Sy sou seker vir een keer in haar lewe gevloek en skel het. Haar hele besigheid is op Blogger gebou.
Ek was te besig elders om te besef daar is probleme. As ek moes my internet-besigheid doen, sou ek vir die eerste keer in ‘n lang tyd gevloek en geskel het en my rekenaarspeletjie gespeel het om my besig te hou!