Gordhan se nuutste planne vir Eskom

Pravin Gordhan. Foto: ANA

Meer ingenieurs vir die Eskom‑bestuur is een van die planne wat minister Pravin Gordhan op die spyskaart geplaas het om die sukkelende elektrisiteitsvoorsiener te probeer regruk.

Gordhan, minister van openbare ondernemings, het aan die Nasionale Vergadering gesê daar is verskeie vakatures op die Eskom-raad en dat hy daardie vakatures met vaardige en leidende ingenieurs wil vul.

Een van die punte van kritiek deur verskeie kenners in die verlede was juis dat daar nie genoeg ingenieurs op die Eskom-raad is nie.

Gordhan het voorts ’n baie vermanende toon ingeslaan en politici versoek om nie politieke munt uit die Eskom-situasie te probeer slaan nie.

Hy het toegegee dat die land in tamatiestraat is met Eskom, en almal versoek om eerder hul ondersteunende deel te doen in die nasionale belang.

Gordhan het ook spesifiek aandag gegee aan die interpretasie dat die regering se soeke na strategiese vennote om te help om Eskom uit die put te haal, neerkom op privatisering.

Privatisering van onderpresterende staatsbates word sterk gesteun deur die DA en ’n deel van die ANC, en ewe sterk teengestaan deur die EFF en die res – op die oog af tans die meerderheid – van die ANC, insluitend ANC-gesinde vakbonde.

Gordhan het dit sterk op die rekord geplaas dat hy nie so ’n stap as privatisering sou ag nie.

Akademici en amptenare van mynmaatskappye sal ook meehelp tot die reddingspoging by Eskom, wat oor die volgende drie jaar R69 miljard van die belastingbetaler gaan ontvang om die wa deur die drif te probeer kry.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Wielspore

Ons hoop van harte dat hierdie ingryping die regte vrugte gaan afwerk, persoonlik het ek vertroue in PG.

IK

Natuurlik is privatisering ‘n kopseer vir vakbonde want dan is stakings irts vd verlede. Maak ook sommer plan met die middelman. Middelman? Ja, dis mislike palityte.

Irma

Al die gepraat, praat, praat begin niksseggend en betekenisloos lyk en klink. Die feite en hul geskiedenis praat baie harder as al die beloftes en praatjies. Spaar julle asem en begin geloofwaardige dinge doen soos bv om SA ingenieurs aan te stel wat ‘n wenner kragvoorsiener tot stand gebring en onderhou het. Wat weet buitelanders van die SA dinamiek?? Almal is nie onnosel nie.

Johanna Botha

Planne planne plqnne planne ….maar al die plundelaars loop nog lekker rond ? ???

Gert

Gaan dit vaardige ingenieurs wees of die regte kleur?