Gordhan wil gordel intrek; waarsku staatsentiteite

Pravin Gordhan is Sondag weer aangestel as minister van finansies.

Pravin Gordhan is Sondag weer aangestel as minister van finansies.

Pravin Gordhan het Maandag, kort nadat hy weer as minister van finansies aangestel is, sy stem dik gemaak en gesê daar sal nie verder geld gemors word nie.

Gordhan het gesê die reaksie van die finansiële markte op verlede week se verwikkelinge is welbekend. “Ons geldeenheid het geval, die aandelebeurs het met 2,94% gedaal en effekteopbrengste het met meer as 150 basispunte opgeskiet.

“Ons regering is deeglik bewus van die finansiële impak wat dit gehad het op diegene wat in ons ekonomie belê. Soos pres. Zuma aangedui het, wanneer ʼn besluit verwikkelinge soos dié veroorsaak het ʼn demokratiese regering die plig om te luister en gepas daarop te reageer.”

Gordhan het gesê daar sal die volgende paar maande op verskeie aspekte gefokus word, waar onder gesonde fiskale bestuur. “Ons bestedingsplafon is onaantasbaar. Ons kan slegs bykomende besteding hê indien ons ekstra inkomste het. Ons gaan ons pogings om bestedingsdoeltreffenheid in die staatsdiens te verseker, verskerp. Nuwe maatreëls word getref om korrupsie te verminder en deursigtigheid te verbeter.”

Volgens Gordhan is die regering nog altyd duidelik oor maatskappye in staatsbesit se risiko tot die fiskale raamwerk. “Ek wil beklemtoon dat ondersteuning aan dié maatskappye op ʼn fiskaal volhoubare wyse gedoen sal word. Soos pres. Zuma gesê het ‘geen staatsentiteit sal aan die regering voorskryf hoe dit bygestaan moet word nie en niks sal gedoen word wat strydig is met die fiskale omsigtigheid waarvoor ons land bekend is nie’.”

Gordhan het gesê hy neem kennis van die bekommernisse rakende die kredietgraderingsagentskappe se buitelandse valutakredietgradering van Suid-Afrika. “Ons sal poog om die beleggingsgradering van Suid-Afrika te beskerm,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Gordon Stoltz

Geagte minister, wats die kanse vir n verhoging in pensioen. Ons soek asb so +- R300 verhoging want die lewe is duur en kan nie uitkom met ons klein pensioen nie. Dis water en elektrisiteit, medisyne, vervoer na die winkels, kos koop ens met die biedjie geld. Dankie.

EMK

Pravin, HOU tog net by jou waarskuwings EN pas dit toe. Moenie swig voor jou dom president as hy jou wil vertel hoe om jou werk te doen nie!

RITA

Beluk mnr Gordon. God sal jou die krag en wysheid gee om die regte besluite vir ons land te neem. Ons vertou jou volkome en weet dit wat jy doen, doen jy goed. Sterkte.

Ww

In sy tyd was daar ook maar baie groot korrupsie so

Jacobus

Nou kanselleer Zuma se salaris verhoging en gee die geld vir studente, of koop skoolboeke, doen iets daadwerklik wat one weer vertroue gaan gee.