Frieda Botha is intussen gevind. Lees meer hier.
Die bekende gospelsanger Danie Botha se bejaarde ma word sedert laat Woensdag vermis.
Frieda Botha (78) het Woensdag van Parys in die Vrystaat waar sy woon na Potchefstroom in Noordwes gery om onder meer medikasie te gaan oplaai. Volgens Tari Coetsee, een van Botha se kleinkinders, het ʼn niggie saam met hulle ouma gery.
“Hulle het die medikasie in Potchefstroom opgelaai. My niggie en ouma het ʼn melkskommel gedrink en ander sake gedoen by die winkelsentrum waarna my ouma by haar broer in Huis Eikelaan gaan kuier het.”
Volgens Coetsee het haar ouma omstreeks 18:00 vertrek op pad terug Parys toe. “My ouma se broer het vir haar verduidelik hoe om weer by die huis te kom en sy was piekfyn toe sy daar gery het. Ons kon haar egter sedertdien glad nie weer in die hande kry nie en weet nie waar sy is nie.”
Coetsee het gesê hulle het by hospitale in Potchefstroom bevestig dat haar ouma nie daar opgeneem is nie. “Ons het ook bevestig dat sy wel haar medikasie gekry het en dat sy om 18:00 by Huis Eikelaan in die register uitgeteken het.”
Volgens Coetsee is haar ouma se foon aan, maar oproepe word nie beantwoord nie. “Ons het nou ophou na die selfoon toe bel sodat dit deur die polisie nagespoor kan word. Die polisie, boere tussen Parys en Potchefstroom en ons hele familie soek na my ouma. Van die boere het ook hul helikopters verskaf om te help soek. Mense ry ook in groepe rond en soek na haar.”
Coetsee het gesê haar ouma ly nie aan demensie of Alzheimer se siekte nie. “Sy het hoë bloeddruk en het al ʼn beroerte gehad. Sy ry egter nog self rond. So ons weet nie of iets gebeur het toe sy daar gery het en of sy dalk nie haar pad kon terugkry nie.”
Botha se man is twee jaar gelede oorlede. “Sy vat dit maar nog steeds baie moeilik.”
Sy woon op ‘n plaas buite Parys. Botha het ʼn bont langbroek met ʼn blou toppie aangehad. Die toppie het ʼn sakkie op die bors. Sy ry met ʼn wit Audi 1994-model, registrasie HDP113GP.
Enigiemand met inligting word versoek om die Potchefstroom-polisiestasie te skakel by 018 299 7457 of Pink Ladies by 072 214 739/083 378 4882/072 620 7704.
Danie,ons gebede is met julle gesin dat ons Almagtige Vader Elohim se hande van beskerming styf om jou ma gevou is en sy veilig opgespoor sal word.Shalom.
Waar is die Niggie wat saam gery het?
Sterkte aan die familie.
Danie Botha ek bid met my hele hart en wese dat sy ongedeerd gevind sal word! Sterkte!!!
Mag sy heel gevind word…
Baie dankie, vir die versekering dat geen vuiltaal hier toegelaat sal word nie, wat ‘n verligting. Ek bid vir Danie en sy familie dat hulle vir ouma sal opspoor? Glo net en bid en vertrou, verder sal die Here onderneem.
.. en wat van die Niggie….is sy veilig….
Danie ons bid dat jou ma veilig gevind word. Dink aan julle.
Julle is in ons gebede. Sterkte!
Mag sy spoedig ongedeerd gevind word. Dit is net hartverskeurend vir haar famielie om hierdeur te moet gaan.
Danie se Ma is gevind en sy is veilig
Wat het van die niggie geword? Mag die tanie gou opgespoor word.
Danie Botha facebook:
Alle eer aan ons Vader.
My ma is gekry en veilig.
Ons is dankbaar.
Sy is opgespoor. Groete
Dankie Vader dit kon so anders gewees het
DANIE BOTHA SE MA IS GEVIND EN IS VEILIG. WIL MAAR NET ALMAL LAAT WEET.
Dank die Vader!!!!!!!!!!!
Dankie Vader sys veilig
Dankie tog. Prys Hom.
Ek sal ook wil weet wat het van die niggie geword. het sy saam terug gery?
Maroela Media- redaksie,op ‘n whatsapp groep word beweer dat sy wel gevind is.Enige kommentaar daarop?
Dagsê Chris
Dankie, ons het reeds vanmiddag ‘n opvolgberig gepubliseer:
https://maroelamedia.co.za/nuus/sa-nuus/gospelsanger-se-ma-gevind/
Groetnis
Suné
nms Maroela Media