Akani Simbine het Suid-Afrika se 4×100 m-aflosspan Sondagaand na wêreldglorie gelei by die Wêreld-aflosbyeenkoms in Pole.
Simbine het die aflosstokkie na Brasilië se Paulo André Camilo de Oliveira in die hande gekry, maar het alles in die stryd gewerp om met ’n honderdste van ’n sekonde vir Suid-Afrika die oorwinning te verseker in ’n tyd van 38,71 sekondes.
Die Brasiliane het reeds begin fees vier toe hulle op die grootskerm moes sien dat Suid-Afrika se Simbine, Thando Dlodlo, Gift Leotlela en Clarence Munyai gewen het.
Kort daarna is Brasilië en Ghana gediskwalifiseer omdat hulle nie binne die lyne gebly het nie. Italië se aflosspan het toe met die silwermedalje weggestap met Japan wat derde was.
Die 4×400 m-aflosspan was vyfde, maar het nogtans vir die Olimpiese Spele in Tokio gekwalifiseer.
.@AkaniSimbine delivers incredible anchor leg to bring home #WorldRelays 4x100m victory for South Africa with 38.71. pic.twitter.com/7tC7uRf53J
— World Athletics (@WorldAthletics) May 2, 2021
Baie geluk !!!
lekker manne. baie geluk. Goeie deursettings vermoe getoon. Hoop dit dien as inspirasie vir die res in SA……..
Skitterend!!!
Uhh, kan julle nie dalk krieket ook speel nie??
Knap gedaan. Baie geluk.