Goudstawe van R8 miljoen by OR Tambo gevind

Argieffoto ter illustrasie Foto: Agnico-Eagle Mines Limited via Wikimedia Commons

Argieffoto ter illustrasie Foto: Agnico-Eagle Mines Limited via Wikimedia Commons

Doeanebeamptes van die Suid-Afrikaanse Inkomstediens het ʼn manlike reisiger by OR Tambo Internasionale Lughawe in hegtenis geneem nadat hy met 16,8 kg goudstawe, ter waarde van R8 miljoen, betrap is.

Sandile Memela, woordvoerder van die SAID, het gesê die man was Maandag van Maputo, Mosambiek op pad na Dubai. “Terwyl sy reisdokumente ondersoek is, het doeanebeamptes onreëlmatighede ontdek. Hulle het sy handbagasie deursoek en op vyf goudstawe afgekom.”

Die goud en dokumentasie is aan die Valke oorhandig vir verdere ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Paul

Goud kos tans sowat R521 300 per kilo. Dus is dit nader aan R9 miljoen werd as aan R8m.

Johanna Botha

O genade is die guptas nie dalk betrokke nie ?

bert

Seker die guptas en vriende van die regering. Hoe anders sou hulle dit in die hande kon kry?

Hasie

Behoort nie te moeilik te wees om die eienaar op te spoor nie. Maroela kan ons gerus op hoogte hou.

WitGoud

Nou hoe de hoeders kom die persoon deur al die skandeerders en metaalverklikkers en word eers betrap vanwee onreelmatighede met sy reisdokumente?