Gr. 7-seuns verkrag glo gr. 2-meisie

Argieffoto

Die Gautengse departement van onderwys het Donderdag gesê hy is baie bekommerd en ontsteld oor die voorval waarin vier gr. 7-seuns glo ʼn gr. 2-meisie in die seunskleedkamer van ʼn Randburgse laerskool verkrag het.

Oupa Bodibe, waarnemende woordvoerder van die departement, het gesê die beweerde verkragting het in Maart vanjaar by die I R Griffiths Primary School plaasgevind toe die skool tydens die vakansie ʼn sportkamp aangebied het.

“Vier gr. 7-seuns het na bewering ʼn gr. 2-leerder in die seuns se kleedkamer verkrag. Die betrokke leerling het nie dadelik die voorval aangemeld nie. Sy het egter by haar ouers gekla dat sy pyn verduur in haar privaatdele en is gevolglik na ʼn dokter geneem vir ʼn ondersoek. Dit is toe dat daar vasgestel is dat sy gepenetreer is,” het Bodibe gesê.

Die meisie se ouers het die voorval by die polisie aangemeld en twee van die seuns het op 8 Mei reeds in die plaaslike landdroshof verskyn. Hulle is in hul ouers se sorg vrygelaat.

Die meisie se ouers het die skool ook van die verwikkelinge ingelig. Die skool het die beheerliggaam ingelig en tugstappe is op 11 Mei teen die vier seuns geneem. Twee van die vier seuns is daarna vrygespreek en daar is aanbeveel dat die ander twee geskors moet word.

“Die skool het Vrydag sy voorstelle aan die hoof van die departement gestuur vir oorweging.”

Die twee seuns het Dinsdag weer vir die tweede keer in die landdroshof verskyn. Alle leerlinge wat deur die betrokke voorval geraak is, is na die Teddy Bear-kliniek verwys vir sielkundige ondersteuning en berading.

Die saak en ondersoek duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
Helen

Want ouderdom tel mos nie meer nie?? jy kan nou 18 wees in graad 7 of 21 in matriek.
Hulle se 4 seuns in gr 7. Nou die vraag hu oud is die seuns wat dit gedoen het?
Wragtig jou kind is nie meer veilig in n skool nie!!!

Stellie

Gr 2 dogtertjie. Arme poppie. Hoe kan een kind se lewe so verwoes word deur kinders wat eintlik nog met karretjies in die sand moet speel? Die vraag ontstaan, wat gaan in daai ouerhuise aan?

Reitjie

Graad 7 en Graad 2 kinders hoort nie op dieselfde terrein nie. In die ‘ou dae’ wat so aaklig vir mense was, was die jonger standerds/grade op hulle eie op ‘n toer gestuur en die oure kinders op hulle eie. Twee is klaar weer vrygespreek en hulle OORWEEG skorsing van die ander twee. Kom ons wed as die ouers ‘n groot bek opsit, gaan hulle net berading kry en weer terugkeer skooltoe ongeag die feit dat hulle ‘n dogtertjie se lewe VERWOES het. Dis siek man. Keer terug na die OU waardes en OU dissipline, maar nee, alles wat gewerk… Lees meer »

CAREN POTGIETER

Omdat God uit die huise en skole is en SEKS in die kinders se keelgatte af gedwing word in die skole en media!

Ai

4 verkrag haar en twee stap vry weg van dit. Sal die koerante oor tien jaar dop hou, hulle sal weer opslae maak.

Arme dogtertjie. Weet nie hoe getraumatiseerd die arme kind is na so iets nie. Sterkte aan die gesin.