Gr. 9-skoolverlaters kry dalk binnekort sertifikaat

Die nasionale onderwysdepartement sê ʼn proeflopie vir die sogenaamde Algemene Onderwyssertifikaat wat vir skoolverlaters in gr. 9 beplan word, gaan na verwagting teen die einde van Julie aanstaande jaar afgehandel wees.

Die minister van basiese onderwys, Angie Motshekga, het Donderdag by die jaarkongres van die South African Democratic Teachers Union (Sadtu) gesê ʼn konsepraamwerk vir dié sertifikaat is reeds ontwikkel.

“Assessering en die voorgestelde eksameninhoud vir die Algemene Onderwyssertifikaat word ondersoek en is reeds tydens ʼn vergadering aan die hoër onderwyskomitee voorgelê. Die tegniese beroepsvakke is saamgestel en aan Umalusi [die raad vir gehalteversekering in algemene onderwys en opleiding] vir goedkeuring voorgelê,” het Motshekga gesê.

Die minister het gesê die departement werk aan die instelling van verskeie kwalifikasies – waaronder die Algemene Onderwyssertifikaat – vóór die gr. 12-kwalifikasie.

Angie Motshekga. (Foto: @ParliamentofRSA/Twitter)

Die voorgestelde kwalifikasie vorm deel van die departement se pogings om gehalte en doeltreffendheid te verbeter deur die inwerkingstelling van gestandaardiseerde assessering om die getal druipelinge, herhalers en skoolverlaters te verminder.

“Ons beoog om ʼn stelselwye assessering in strategiese grade te doen deur voorbereiding en tegniese standaarde daarvoor af te handel, sodat hoëvlak- nasionale en provinsiale monitering gedoen kan word,” het Motshekga gesê.

Die eerste stel evaluasies word in gr. 3, gr. 6 en gr. 9 gedoen en gaan teen Junie aanstaande jaar afgehandel wees. Die toetslopie vir die Algemene Onderwyssertifikaat word dan ʼn maand daarna afgehandel.

Die minister het gesê die departement is ook besig met die dringende inwerkingstelling van die verpligte twee jaar lange vroeë kinderontwikkeling wat voor gr. 1 gedoen moet word, asook ʼn verskuiwing van die verantwoordelikheid daarvoor van die departement van maatskaplike ontwikkeling na die onderwysdepartement.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

63 Kommentare

jongste oudste gewildste
Wenz

Nou het ek als gehoor. Die kinders van vandag is alreeds so uit hand uit….. Nou nog dit ook

Ben

Ai hulle kan nie eers werk kry met vandag se grade nie,wat gaan dit help?

alet

Siestog. Hulle het dit al in 2006 probeer en toe weer van die plan afgesien na druk deur vakbonde en ander kundiges wat aangevoer het die sertifikaat gaan niks vir skoolverlaters beteken nie en eintlik net tot NOG groter werkloosheid bydra. #planloos #geentoekomsvisie

Willem

Maw indie ou taal std 7? Hoe gaan dit die “digital revolution” help wat ons president so mee spog?

Ekke

Dis REG – dwing nou maar almal tot die laagste standaard – stoepsit en neuskrap! Daar is reeds geen dissipline meer nie.