Graad 1-juffrou dood aangetref

skool-21.jpeg

Argieffoto

ʼn 24-jarige graad 1-juffrou is Donderdagoggend dood aangetref in haar woonstel in Virginia in die Vrystaat.

ʼn Familievriend en bure het omstreeks 08:00 op Kay-Leen Peterson se liggaam afgekom. Sy was ʼn juffrou by een van die laerskole in Virginia, het sers. Mamello Mokhuoane, woordvoerder van die polisie, gesê.

“Kay-Leen se familie in Bloemfontein was besorg toe hulle haar nie op haar selfoon in die hande kon kry nie. Haar kollegas by die skool het ook vir die familie gesê sy het nie Woensdag by die werk opgedaag nie,” het Mokhuoane verduidelik.

Die polisie en nooddienste is na die toneel ontbied. Sy is op die toneel dood verklaar. Die polisie ondersoek ʼn saak van moord.

“ʼn Voorlopige ondersoek het die polisie na Seloja, Meloding gelei waar Kay-Leen se motor, ʼn swart Renault Clio, aangetref is. Die polisie het leidrade opgevolg en ʼn 21-jarige is ondervra. Die polisie se ondersoek duur voort.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.