Graaff-Reinet-moord: Twee laat vaar aansoek om borgtog

Anette Jooste van Eeden. (Foto: Facebook)

Die twee verdagtes wat in verband met die moord op Anette Jooste van Eeden (59) in hegtenis geneem is, bly in aanhouding nadat hulle Woensdag hulle aansoek om borgtog in die landdroshof op Graaff-Reinet laat vaar het, het kapt. Bradley Rawlinson, polisiewoordvoerder in die Oos-Kaap, gesê.

Chene Chantell Verwey (48) en Mandla John Khumalo (28) is vroeër vandeesmaand in Vereeniging in verband met Jooste van Eeden se moord in hegtenis geneem. Vereeniging is ook waar Jooste van Eeden se laaste bevestigde adres was.

Sy het die twee klaarblyklik ʼn saamrygeleentheid gegee.

Maroela Media het vroeër berig die polisie het verlede maand ʼn anonieme wenk gekry oor die liggaam wat langs die N9, in die rigting van Middelburg, gelê het.

Die slagoffer het blonde hare gehad en was netjies geklee in ʼn blou denim en blou hemp. Sy het ʼn wond aan haar kop gehad.

Dit het ʼn wyle geneem voordat die persoon as Jooste van Eeden geïdentifiseer is.

Rawlinson het gesê die saak teen Verwey en Khumalo is tot 2 September uitgestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Abe

Het MM nog niks gehoor oor die vonnis wat vandag opgele sou word oor die SA reeksverkragter?

Karlahari

Want dit is wat ons gedoen het in die ou Suid Afrika toe daar nog reg en geregtigheid was en mense kon spel.
Jou kommentaar is rerig swak en ongevraagd.

Slim Jan

Sy weet van……

Arnold

Ek skaam my vir ons mense wat sulke uitlatings maak. Die persoon het vir haar barmhartige aksie met haar lewe geboet……dink voor julle praat asseblief

Geskok

Wow! Iemand is vermoor… Iemand se ma, kind, Vriendin, vrou en jy eien jou die reg toe om uitlatings te maak dat sy ‘hard up was’ Jou lack of empatie PK grief my… Ken jy die agtergrond miskien??? Sterkte aan die familie en vriende… Kan net my indink waardeer Julle Moet gaan. Vir PK… As jy niks goes Kan se nie hou jou mond.