Johan Coetzee. Foto: Verskaf
Riëtte Atkins, een van Coetzee se dogters, het aan Maroela Media gesê haar pa was ʼn trotse boer wat puntenerig was met sy boerdery. “Hy het altyd gesê jy doen ʼn ding reg of jy doen dit glad nie,” het sy gesê. Coetzee het met duiwe, skape, varke en eksotiese apies geboer. Hy was bekend in die gemeenskap vir sy spog-skouduiwe.
Atkins het Woensdag omstreeks 13:00 op haar pa se liggaam in die varkhok afgekom. Hy is vermoedelik met ʼn graaf vermoor, hoewel ʼn nadoodse ondersoek nog die presiese oorsaak van sy dood moet bepaal. Sy het gesê haar pa se gesig was heeltemal vergruis.
Coetzee se kluis was met ʼn slypmasjien oopgesny en ʼn werker se paspoort en ʼn vuurwapen word vermis. Sy twee selfone is ook gesteel. Daar is nie geld uit die kluis gesteel soos vroeër berig is nie.
Volgens Atkins het sy haar pa Woensdagoggend herhaaldelik probeer bel, maar albei sy selfone was af. “Ons het eers gedink dalk kom hy nie agter sy fone is af nie en later het ons vermoed sy selfone se batterye was dalk pap weens beurtkrag. Teen 12:00 het ek besluit ek gaan maar deurry en kyk wat aangaan.”
Volgens Atkins moes die moordenaar haar pa se roetine geken het, omdat hy geweet het haar pa het elke oggend sy twee kwaai honde gaan toemaak wat deur die nag die erf gepatrolleer het. Hy het daarna waarskynlik soos gewoonlik al die diere kos gegee en is in die varkhok oorval. Van die bure het gesê hulle het omstreeks 06:00 ʼn slypmasjien op die plaas gehoor.
Lt.kol. Katlego Mokgale, polisiewoordvoerder, het die voorval bevestig en gesê ʼn saak van moord word ondersoek. Geen verdagtes is al in hegtenis geneem nie.
Simpatie aan die familie.
Oom Johan het baie jare vir my pa gewerk en hy was ‘n GOEIE mens!!
Nog n Boer nog n hartseer dag…Afrika!!!
Die moord en doodslag word by die dag erger! Hoekom die man so wreed doodslaan en dit met ‘n graaf.
Dis om ander boere van hulle plaase af te kry.
Waarom was die wapen in die kluis. Wanneer gaan julle tog leer. Dit is baie jammer oor nog ‘n boer sterfte. Sterkte aan die familie.
Innige simpatie. Ek het hom altyd saterdae by die Ark gesien en het altyd gelag. Baie goeie en vriendelike geaardheid gehad. RIP Johan. Ek weet hoe voel sy familie want my man is ook dood aan skietwonde na n mislukte high jacking 11 Februarie hierdie jaar. Sterkte aan julle dis nie maklik nie..
Johan jy was n pragtige mens kwaai maar reguit. Ja volgens jou moes jy n ding reg doen of los ek is geskok oor die verskriklike dood van jou my vriend RIP sal altyd lief wees vir jou tot ons weer ontmoet