Graça Machel dreig met regstappe oor Mandela-boek

Mandela’s last years (Foto: Verskaf)

Graça Machel, weduwee van die ontslape oudpresident Nelson Mandela, het die splinternuwe boek oor Mandela se laaste jare voor sy dood veroordeel en dreig om dr. Vejay Ramlakan, die skrywer, te dagvaar.

Machel het gesê sy is besig om regsadvies in te win aangesien sy van mening is die boek skend die vertroulikheid wat daar tussen ’n dokter en sy of haar pasiënt is.

Maroela Media het vroeër berig Mandela’s Last Years werp lig op kwessies van sy laaste jare, soos sy gesondheid en gebeure gedurende die maande voor sy dood. Ramlakan, wat aan die hoof van Mandela se mediese span gestaan het, maak ook talle onthullings in die boek – soos onder meer dat ʼn militêre ambulans wat Mandela na die Mediclinic Hart-hospitaal in Pretoria vervoer het, aan die brand geslaan het.

In die boek praat Ramlakan ook oor die geliefde oudpresident se laaste oomblikke in sy kamer saam met nabye familie, die oudstes van die stam uit die Oos-Kaap en ook Graça Machel.

Volgens die oorspronklike verklaring van die uitgewer, Penguin Random House, is dié boek geskryf “met respek” en met “die goedkeuring van die familielede”.

Penguin Random House het ná Machel se verklaring gesê hulle het dié boek vir publikasie aanvaar nadat Ramlakan by die familie toestemming gekry het om dit te skryf.

“Ons het die boek aanvaar nadat die skrywer, Vejay Ramlakan, Penguin Random House South Africa verseker het dat hy goedkeuring van die familie gekry het. Die familie se verteenwoordiger is met ʼn kopie van die boek voorsien,” lui die uitgewer se verklaring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

29 Kommentare

jongste oudste gewildste
popeye

Mandela was ‘n publieke figuur…gaan toets maar jou argumente teen vorige sake soos diè Graça, jy gaan ‘n verlore stryd voer!

AL

Ek stem saam met haar. Die dokter het ñ konfidensiële verhouding met sy pasiënt. Hy het geen reg om Mandela se siektes uit te blaker nie, net om ñ paar boeke te kan verkoop en rug ry op Mandela se naam nie.

Middie

Is Gracia dan nie ook familie nie? Is haar goedkeuring verkry?

Nico

Sy is seker bankrot en soek nou geld ondersoek eerder haar gewese man se vlieg ongeluk

Ronnie

Geld pasiënt/dokter vertrouensverhouding as een van hulle sterf?