Gratis universiteitstudie: Kommissie aangewys

Argieffoto: Twitter

Argieffoto: Twitter

ʼn Kommissie van ondersoek is deur pres. Jacob Zuma aangewys om die befondsing van universiteite, asook moontlike gratis tersiêre onderwys, te ondersoek.

Suid-Afrika is in 2015 geruk deur studentebetogings wat verskeie universiteite tot stilstand gedwing het. Studente het betoog teen onder meer klasgelde. Zuma het verlede jaar ʼn 0%-styging in klasgelde vir die huidige akademiese jaar aangekondig.

Die regering en universiteite het ná ʼn vergadering tussen die presidensie en visekanseliers van die universiteite, onderneem om gesamentlik vir die tekort wat die 0%-verhoging op die universiteite se lopende rekenings veroorsaak, pa te staan.

Die kommissie sal gelei word deur regter Jonathan Arthur Heher, wat bygestaan sal word deur adv. Gregory Ally en Leah Thabisile. Volgens die presidensie moet die kommissie “die moontlikheid van gratis universiteitsonderrig vir studente ondersoek en aanbevelings aan die president maak”.

Die kommissie moet hul verslag en aanbevelings binne agt maande voltooi en hul finale verslag binne tien maande gereed hê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Onrus

‘n Verdere 10 maande van onrus, betogings en geen studies ni. Zuma is uitgeslape met sy vooraf aankondiging van geen klasgelde ni. So wen hy duisende stemme.

DPJ

Die sal seker net gesellekteerde kaders wees en nie vir almal nie.

StopTheMadness

Hoe kan iemand met n gr 2 kwalifikasie besluite neem oor die toekoms van universiteite. Ons almal weet wat die uiteinde van die saak gaan wees; Histories het ons universiteite grad kurusse aangebied teen n koste en dit was internasionaal aanvaar. In die toekoms sal ons afgewaterde grade aanbied met beperkte begrotings wat nie internasionaal aanvaar sal word nie. Die regering se posisie is om liewer n swakker kwalifikasie aan die massas te gee as om n goeie kwalifikasie te gee aan die wat dit kan bekostig. Dit sal nie stop by klasgelde nie, volgende is verblyf, dan voedsel, dan… Lees meer »

Leutha

Soos my huiswerker my nou die dag vra: “hulle wil alles verniet hê maar, wanneer hulle klaar graad kry en begin werk, gaan hulle, hulle dienste ook gratis aanbied?” Alles moet dan mos verniet wees.

Annoniem

So, wie gaan die klasse aanbied teen geen vergoeding nie? Hoekom sal enige persoon ‘n universiteits lektor wil word of in die akademie bly teen minimale, staats vergoeding as hulle vir ‘n baie goeie salaris elders in privaat sektor of oorsee kan werk?